ලෝක ප්‍රසිද්ධ මාධ්‍යවේදී ඝාතන සිදුවීමක් වන ජමාල් කෂෝගී ඝාතනය සම්බන්ධ අපරාධකරුවන් සිව්දෙනෙකු ඇමෙරිකා එක්සත් ජනපදයේ දී පුහුණු කර ඇති බවට පුවතක් නිව්යෝර්ක් ටයිම්ස් පුවත්පත විසින් වාර්තා කර තිබෙනවා.
වොෂිංටන් පෝස්ට් පුවත්පතේ මාධ්‍යවේදියෙකු වූ ජමාල් කෂෝගී 2018 වසරේ දී තුර්කියේ ඉස්තාන්බුල් නගරයේ දී අමානුෂික ලෙස ඝාතනයට ලක් වුණා.
සෞදි ඔටුන්න හිමිකුමරු වන මොහොමඩ් බින් සල්මාන්ගේ නියෝගය පරිදි මෙම ඝාතනය සිදුකළ බවට චෝදනාවක් ඇති අතර මෙම ඝාතනය සිදුකළ සිව්දෙනා හට පැහැරගෙන යාම, රඳවා තබා ගැනීම සහ වධහිංසා පැමිණවීම සම්බන්ධයෙන් පැරාමිලිටරි උපක්‍රම පිළිබඳ පුහුණුවක් ඇමෙරිකාවේ දී ලබාදී ඇති බවයි නිව්යෝර්ක් ටයිම්ස් වාර්තා කර තිබුණේ.
