ප්රථමවරට පැවැත්වූ ලංකා ප්රිමියර් ලීග් T20 තරඟාවලියේ පළමු අවසන් තරඟයට සුදුසුකම් ලැබීමට ගෝල් ග්ලැඩියේටර්ස් කණ්ඩායම ඊයේ (13) දිනයේදී සමත් විය.
ඒ කොලම්බු කිංග්ස් කණ්ඩායම සමඟ පැවැති අවසන් පුර්ව තරඟයේ දී කඩුළු 02ක තියුණු ජයග්රහණයක් ලබා ගනිමිනි.
තරඟාවලියේ මුලික තරඟ පුරාවට දැඩි ලෙස ආසාර්ථක වූ ගෝල් ග්ලැඩියේටර්ස් කණ්ඩායම අවසන් තරඟ කිහිපය තුළ කැපී පෙනෙන දක්ෂතාවයක් දක්වන්නට සමත්විය.
ඊයේ පැවැති තරගයේ දී ප්රථමයෙන් පන්දුවට පහර දුන් කලොම්බු කිංග්ස් කණ්ඩායම පන්දුවාර 20 තුළ කඩුළු 09ක් දැවී ලකුණු 150ක් රැස් කර ගැනීමට සමත් විය.
මෙහිදී එම කණ්ඩායමේ ජැෆ්නා ස්ටැලියන් කණ්ඩායමට එරෙහිව සහ ලංකා ප්රිමියර් ලීග් තරඟාවලියේ ප්රථම ශතකයට හිමිකම් කියන ලොරි එවන්ස් ක්රීඩා නොකිරීම විශේෂත්වයකි.
පිළිතුරු ඉනිම ක්රීඩා කළ ගෝල් ග්ලැඩියේටර්ස් කණ්ඩායම පන්දුවා 19යි පන්දු 05ක් අවසානයේ කඩුළු 08ක් දැවී ලකුණු 151ක් ලබා ගනිමින් තරඟයේ ජයග්රහණය තමන් සතු කරගත්තේ කලොම්බු කිංග්ස් කණ්ඩායමේ ලංකා ප්රිමියර් ලීග් ශූරතාවය දිනා ගැනීමේ සිහිනය උදුරා ගනිමිනි.