May 15, 2021

චීනයේ “ෂූරොං” (Zhurong) රෝවරය අඟහරු ග්‍රහලෝකය මතට සාර්ථකව ගොඩබෑමට සමත් වූ බව එරට රාජ්‍ය මාධ්‍ය මීට විනාඩි කිහිපයකට පෙර නිවේදනය කළා.

මිනිසුන් රහිත අභ්‍යවකාශ මෙහෙයුමක්වන මෙය චීනයේ ප්‍රථම ස්වාධීන අඟහරු මෙහෙයුමයි.

කිලෝ ග්‍රෑම් 240ක් බරැති මෙම රෝවරය රැගත් “ටියැන්වෙන් - 1” (Tianwen-1) යානය මාස කිහිපයක් තිස්සේ අඟහරු වටා කක්ෂගත වී තිබුණා.

එම කාලය තුළ එය අඟහරු මතුපිට සිතියම්ගත කිරීම සිදු කළා.

මෙම ටියැන්වෙන් - 1 යානය සහ ෂූරොං රෝවරය රැගත් රොකට්ටුව පෘථිවියේ සිට අහසට නැගුනේ පසුගිය වසරේ ජුලි මාසයේ දී යි.

සිය රෝවරයට අඟහරුගේ වායුගෝලය හරහා අධික වේගයෙන් ගමන් කර පැරෂුට් හරහා ගමන් වේගය අඩු කරගනිමින් සාර්ථකව ගොඩබෑමට ලැබීම තමන් ලද විශාල ජයග්‍රහණයක් බව චීනය පවසනවා.

මෙම ගොඩබෑමත් සමග චීනය ඉතිහාසගත වන්නේ අඟහරු මත රෝවරයක් සාර්ථකව මෙහෙයවනු ලැබූ තෙවැනි රට ලෙසයි.

ඇමරිකා එක්සත් ජනපදය මේවන විටත් අඟහරු මතට රෝවර ගණනාවක් යවා ඇති අතර ඉන් කිහිපයක් මේ මොහොතේ දීත් අඟහරු පෘෂ්ඨය මත මෙහෙයුම් දියත් කරමින් සිටිනවා.

ඇමරිකාවට අමතරව අඟහරු පෘෂ්ඨයේ යන්ත්‍රයක් මෙහෙයවූ රටවන්නේ පැරණි සෝවියට් සමූහාණ්ඩුවයි.

1971 වසරේ දී සෝවියට් සමූහාණ්ඩුවේ “මාස් 3” (Mars 3) යානය අඟහරුට ගොඩබට අතර කෙටි කලක් තුළ අක්‍රීය වීමට පෙර එයට හැකි වූයේ අඟහරු පෘෂ්ඨයේ එක් ඡායාරූපයක් පෘථිවිය වෙත එවීමට පමණයි.

කෙසේ වෙතත් අඟහරු මතට ගොඩබෑමට නොහැකි වූ නමුත් එම ග්‍රහලොව වටා කක්ෂගත වී පර්යේෂණ කිරීමට රටවල් කිහිපයකටම හැකියාව ලැබුණා.

ඉන්දියාව සහ යුරෝපා අභ්‍යවකාශ ඒජන්සිය ඉන් ප්‍රමුඛයි.

වීඩියෝව පහතින්...

පවතින කොවිඩ් 19 වසංගත තත්ත්වයේ වර්ධනය හමුවේ අග්‍රාමාත්‍ය මහින්ද රාජපක්ෂ චීන රජයෙන් වෛද්‍යාධාර ඉල්ලා තිබෙනවා.

එයට ප්‍රතිචාර ලෙස විශාල ඔක්සිජන් සිලින්ඩර සහ වෛද්‍ය උපකරණ එවීමට යි චීනය කටයුතු කර තිබෙන්නේ.

විශාල ප්‍රමාණයේ ඔක්සිජන් සිලින්ඩර දසදහසක් ඇතුළු වෛද්‍ය උපකරණ විශාල තොගයක් මෙලෙස එවා ඇති බව සඳහන්.

කොවිඩ් 19 ආසාදනය වී සංකූලතා හටගන්නා රෝගීන් හට ප්‍රතිකාර කිරීමට ඉදිරියේ දී ඔක්සිජන් විශාල වශයෙන් අවශ්‍ය විය හැකි බැවින් අග්‍රාමාත්‍යවරයා වෛද්‍ය උපකරණ සහ ඔක්සිජන් ටැංකි පිළිබඳ චීනය දැනුවත් කර තිබූ බව වාර්තා වෙනවා.

අග්‍රාමාත්‍යවරයාගේ ඉල්ලීමට චීනය වහාම ප්‍රතිචාර දැක්වීම සුවිශේෂයි.

ලෝකයේ සංචාරක ආකර්ෂණය අතින් ඉහළින්ම ඇති ස්ථානයන් අතරින් චීනයේ ෂැංජියාජි වීදුරු පාලම ඉතාමත් ප්‍රසිද්ධියක් උසුලයි.

ත්‍රාස ජනක අත්දැකීමකට කැමති බොහෝ දෙනෙකු මෙම ස්ථානය වෙත යන අතර බොහෝ දෙනෙකුට පාලම හරහා ගමන් කිරීමට තරම් ධෛර්යක් ඇති නොවෙයි.

දිගින් මීටර් 430ක් දිග පළලින් මීටර් 6ක් ඇති මෙම පාලමට එක්වර පුද්ගලයින් 800ක් දරා ගැනීමට හැකියාව තිබේ. පාලම ගමන් කරනා කොටස ඝනකම වීදුරුවලින් තනා තිබීම සහ මෙය පිහිටා ඇති ස්ථානය හේතුවෙන් ලෝකයේ සංචාරක ආකර්ෂණය විශාල වශයෙන් හිමිව තිබේ.

කෙසේ වෙතත් අද (10) දිනයේ මෙම පාලමේ වීදුරු එක්වරම කඩා වැටී ඇති අතර එම අවස්ථාවේ පාලම මත එක් සංචාරකයෙකු සිට තිබේ. පාලමේ වීදුරු කඩා වැටෙන අවස්ථාවේ ඔහු පාලමේ අත්වැටේ එල්ලී එහි යකඩ රාමුව පාද තබාගෙන එල්ලීමට සමත්ව තිබේ. සංචාරකයා මෙලෙස එල්ලී සිට ඇත්තේ අඩි 328ක් පමණ ගැඹුරු ප්‍රපාතයක් සහිත ස්ථානයකයි.

මෙම පුද්ගලයා පැය භාගයක පමණ කාලයක් ගලවා ගැනීමේ කණ්ඩායමක් එනතුරු මෙලෙස පාලමේ එල්ලී සිට තිබේ. 

එම සංචාරකයාව මුදවා ගැනීමෙන් පසුව වහාම රෝහල් ගත කර ඇති අතර පසුව ඔහුව මානසික ප්‍රතිකාර කිරීමට උපදේශන සේවයක් වෙතද යොමුකර තිබේ.

බලධාරීන් විසින් වීදුරු පාලමට යන ස්ථානයන් දෙකම මේ වන විට වසා දමා ඇති අතර ඔවුන් සඳහන් කර තිබුණේ පසුගිය සිකුරාදා (06) වැනිදා එම ප්‍රදේශයේ පැවැති දැඩි කුණාටු සහිත කාළගුණ තත්ත්වය හේතුවෙන් පාලමට දැඩිලෙස හානි සිදුව තිබූ බවයි.

මෙම සිදුවීම සමාජ මාධ්‍ය ඔස්සේ දැඩිලෙස හුවමාරු වු අතර බොහෝ දෙනෙකු පවසා තිබුණේ තම  ජිවිත තුළ අත්දැකිය හැකි මාරාන්තිකම අත්දැකීම මෙම සිදුවීම වනු ඇති බවයි.

චීනයට අයත් Long March-5b රොකොට්ටු ඊයේ (09) දිනයේ දී අපේක්ෂා කළ අයුරින්ම පෘථිවිය වෙත කඩා වැටුණි.

මෙම රොකොට්ටුව මාලදිවයිනට ආසන්න සාගර කලාපයට වැටී ඇති අතර සිදුවීමෙන් කිසිවෙකුටත් හානියක් සිදුවී නොතිබුණි.

මෙම රොකට්ටුව වායුගෝලයට ඇතුළු වීමත් සමඟ එහි කොටස් බොහෝමයක් විනාශ වී ගොස් ඇති බවටත් එය ඉන්දීයානු සාගරයට වැටෙන අවස්ථාවේ සම්පුර්ණයෙන්ම විනාශ වී යන්නට ඇති බවත් චීන බලධාරීන් විසින් සඳහන් කර සිටියි.

එමෙන්ම ලෝකයේ බොහෝ අභ්‍යාවකාශ නිරික්ෂණ ආයතන මෙන්ම ඇමෙරිකානු ආරක්ෂක දෙපාර්තුමේන්තුව විසින්ද ඊයේ (09) දිනයේ දී රොකොට්ටුවේ කඩා වැටීම තහවුරු කර තිබුණි.

මෙම කඩා වැටෙන රොකොට්ටුව සෞදි අරාබියට ඉහළ අහසින් ඉන්දීයානු සාගරය දෙසට ගිනිගෙන දැවෙමින් ඇඳී යන අයුරු එරට පුද්ගලයෙකු විසින් සිය කැමරාවේ සටහන් කර තිබුණේ පහත අයුරිනි.

ලෝක‍යාම බියට පත් කරමින් තිබූ චීන රොකොට්ටුව අද (09) දිනයේ දී අපේක්ෂා කළ අයුරින්ම කඩා වැටි ඇති බවට වාර්තා වෙයි.

මෙම රොකොට්ටුව ඉන්දියානු සාගරයට වැටෙන්නට ඇති බවට මෙම Long March-5b රොකොට්ටුවේ ගමන් මාර්ගය අධීක්ෂණය කළ වෙබ් අඩවි පෙන්වා දෙයි.

මෙම කඩා වැටීම වාර්තා වී තිබුණේ මාලදිවයිනට ආසන්න ඉන්දීයානු සාගරයේ ස්ථානයකට බවටද නිල නොලත් ආරංචි මාර්ග සඳහන් කරයි.

එමෙන්ම රොකට්ටුව පෘථීවි වායුගෝලය හරහා සාගරය දෙසට කඩා වැටෙන අවස්ථාවේ එය කැබලිවලට කැඩී යන්නට ඇති බවත් චීන අභ්‍යාවකාශ බලධාරීන් සඳහන් කරයි.

බොහෝ අභ්‍යාවකාශ විද්‍යාඥයින් සහ නිරික්ෂකයන් මෙම රොකොට්ටුව සාගරයට කඩා වැටීමට ඇති ඉඩකඩ පිළිබඳව සඳහන් කළ අතර ඇමෙරිකානු ආරක්ෂක ප්‍රධානීද මෙය සාගරයට කඩා වැටීමට ඇති වැඩි ඉඩකඩක් ඇති බවට සඳහන් කළේය.

ඔවුන් එයට හේතුව ලෙස සඳහන් කර තිබුණේ පෘථිවියේ 70%ක් පමණ සාගරයෙන් යට වී තිබීමයි.

ඇමෙරිකානු ආරක්ෂක අංශ විසින් මෙයට මිසයිල ප්‍රහාරයක් එල්ල කිරීමට සුදානමින් සිටින බවටද මතයක් පළ වූ අතර ඇමෙරිකානු ආරක්ෂක ප්‍රධානී විසින් එය ප්‍රතික්ෂේප කර තිබුණි.

ඊයේ (07) දිනයේ දී ලෝක සෞඛ්‍ය සංවිධානය විසින් Covax වැඩසටහන යටතේ කොරෝනා වසංගත පාලනයට හදිසි භාවිත කිරීම් සඳහා චීනයේ සීනෝෆාම් එන්නත හට අවසර ලබා දී තිබුණි.

ලෝක වසංගත තත්ත්වයක් යටතේ හදිසි භාවිතය සඳහා චීන එන්නතක් වෙත අවසර ලබාදුන් පළමු අවස්ථාව මෙය බවටද වාර්තා වෙයි.

මෙම අවසර ලබා ගැනීම සඳහා ලෝක සෞඛ්‍ය සංවිධානය වෙත සයිනෝෆාම් සමාගම විසින් ඉදිරිපත් කර තිබූ එන්නතේ අතුරු ආබාධ සහ අනිකුත් පරික්ෂණ වාර්තා පිළිබඳව ලෝක සෞඛ්‍ය සංවිධානයේ විශේෂඥයින් විසින් මුල් අවස්ථාවේ සිය කනස්සල්ලය පළ කර තිබූ බවට රොයිටර් පුවත් සේවය වාර්තා කරයි‍.

ලෝක සෞඛ්‍ය සංවිධානයේ අධ්‍යක්ෂක ජෙනරාල් ටෙඩ්‍රොස් අද්නාම් ගෙබ්‍රෙයෙසස් විසින් අදහස් පළ කරමින් සඳහන් කර සිටියේ මෙම එන්නතට අවසර ලබාදීම හරහා COVAX පහසුකම යටතේ ලෝකයේ රටවලට තෝරාගත හැකි එන්නත් ලැයිස්තුව පුළුල් වී ඇති බවයි. ඒ අනුව ඕනෑම රටකටම එම රටේ සෞඛ්‍ය නීතිමය පසුබිම යටතේ එන්නත් තෝරා ගැනීමට හැකිවනු ඇති බවද අධ්‍යක්ෂක ජෙනරාල්වරයා පැවසීය

සීනෝෆාම් එන්නත නිෂ්පාදනය කළ සමාගම විසින් මෙම අවසර ලබාදීම සම්බන්ධව අදහස් ප්‍රකාශ කරමින් පවසා සිටියේ සීනෝෆාර්ම් සීඑන්බීජී කොවිඩ්-19  එන්නතෙහි ගුණාත්මකභාවය, ආරක්ෂාව, කාර්යක්ෂමතාවය සහ ප්‍රවේශ්‍යතාවය ලෝක සෞඛ්‍ය සංවිධානයේ ප්‍රමිතීන්ට අනුකූල වන බව ප්‍රකාශ කිරීමත් සමඟ චීනයට ගෝලීය කොරෝනා වසංගත පාලනය කිරීමේ සටනට වැඩි බලයක් යොදා සහය දීමට හැකිවනු ඇති බවයි.

මෙම සීනෝෆාම් එන්නත ගබඩා කිරීම අනිකුත් එන්නත්වලට වඩා පහසු වන බවට සඳහන් වන අතර මෙය සෙල්සියස් අංශක 02ක සිට 08 දක්වා උෂ්ණත්වයක තැබිය හැකිය. මාත්‍රා 02කින් යුක්ත වෙන මෙම එන්නතෙහි කොරෝනා වෛරසයට එරෙහි කාර්යක්ෂමතාවය 79%ක් බව එය යොදා කරන ලද පරික්ෂණවලින් තහවුරු වී තිබේ.

කොවිඩ්-19 සඳහා වූ චීන එන්නතෙහි වෛරසය පාලනය කිරීම සඳහා වූ කාර්යක්ෂමතාවය ඉතාමත් අඩු බව චීනයේ ඉහළ පෙළේ පරික්ෂණ ආයතනයක් විසින් හෙළි කර තිබේ.

චීන රෝග පාලනය හා වැළැක්වීමේ මධ්‍යස්ථාන ප්‍රධානී විසින් මාධ්‍ය සාකච්ඡාවක් කැඳවමින් පවසා තිබුණේ චීන එන්නතෙහි කාර්යක්ෂම තාවය ඉහළ නැංවීම සඳහා තවත් පියවර ගත යුතුව ඇති බවයි.

චීනය විසින් විදේශයන්හී අත්හදා බැලු එන්නත් සමහර අවස්ථාවලදී 50%කට වඩා අඩු කාර්යක්ෂමතාවයක් පෙන්වා ඇති බවටද ඔවුන් අනාවරණය කර තිබේ.

චීනය මේ වන විට කොවිඩ්-19 සඳහා එන්නත් වර්ග 04ක් නිපදවා තිබේ.

චීනයේ මේ වන විට අවම මිලියන 100කටවත් එම එන්නත් හතරින් එක එන්නතක් හෝ ලබා දී ඇති බවටද වාර්තා වෙයි.

චීනය විසින් තමන්ගේ එන්නත්වල කාර්යක්ෂමතාවය පිළිබඳව ලෝකයට නිකුත් කර ඇත්තේ ඉතාමත් කුඩා දත්ත ප්‍රමාණයක් බවට ජාත්‍යන්තර මාධ්‍ය වාර්තා කර තිබේ.

ඔවුන් අවධාරණය කර ඇත්තේ එම නිසා එන්නත්වල කාර්යක්ෂමතාවය සහ ඵලදායීතාවය පිළිබඳව සැකයක් පවතින බවයි.

කෙසේ වෙතත් චීනයේ චීනයේ සිනොවාක් එන්නත බ්‍රසීලයේ කරන ලද මිනිස් සාධක අත්හදා බැලීම්වලදී 50.4%ක් කාර්යක්ෂමතාවයක් වාර්තා කර තිබේ.

ලෝක සෞඛ්‍ය සංවිධානය විසින් අවධාරණය කර ඇති පරිදි කොවිඩ්-19 සඳහා එන්නතකට අනුමැතිය දීම සඳහා එහි කාර්යක්ෂමතාවය අවම වශයෙන් 50%ක්වත් සපුරා තිබිය යුතු බවයි.

ලෝකයේ දැනට නිපදවා ඇති, ඇස්ට්‍රෙසෙනෙකා, ෆයිසර් සහ මොඩර්නා යන එන්නත් සියල්ලම කාර්යක්ෂමතාවය 90%ක් ලෙස වාර්තා කර තිබේ.

චීන රෝග පාලනය හා වැළැක්වීමේ මධ්‍යස්ථාන ප්‍රධානිගේ ප්‍රකාශයෙන් පසුව ඔහු වෙත චීන සමාජ මාධ්‍ය ඔස්සේ දැඩි විවේචනයන් එල්ල වී තිබූ අතර ඔහුට කතා කිරීමට ඉඩ නොදිය යුතු යැයිද පිරිසක් චෝදනා කර තිබු බව සඳහන් වෙයි.

පසුව එම ආයතනයේ ප්‍රධානියා විසින් ප්‍රකාශ කර තිබුණේ ලෝකයේ නිෂ්පාදනය කරන බොහෝ එන්නත් විටෙක කාර්යක්ෂමතාවය ඉහළ යා හැකි බවත්, සමහර අවස්ථාවල එය පහත වැටීමට හැකි බවත්ය.

චීනයේ අපනයන වෙළෙඳපොළේ ක්‍රියාවලියන් වාර්තා ගත ලෙස ඉහළ ගොස් ඇතැයි විදෙස් මාධ්‍ය වාර්තා කරයි.

ඒ අනුව චීනයේ අපනයන වර්ධන දශක දෙකකට පසුව ඉහළම මට්ටමට ළඟා වී ඇති බවට චීනය විසින් නිකුත් කර ඇති දත්ත පෙන්වා දෙයි.

කොරෝනා වෛරසය ගෝලීය වසංගතයක් බවට පත් වූ පසුව ලෝකයේ සංචාරක ක්ෂේත්‍රය මෙන්ම අපනයන ආනයන ක්ෂේත්‍රයන් තුළ කඩා වැටීමක් සිදුවිය.

චීනයේ නිෂ්පාදිත ඉලෙක්ට්‍රෝනික හා රෙදිපිළි අපනයනද ඉහළ මට්ටමකට පැමිණ තිබේ.

මෙහිදී චීන ආර්ථික විශේෂ්ලේෂකයන් විසින් අනුමාන කළ පරාසයට වඩා සියයට 60.6කින් මෙම අපනයන සීමා වැඩි වී තිබේ.

ඇමෙරිකා එක්සත් ජනපදයේ මාධ්‍ය ආයතනයක් විසින් ප්‍රකාශයට පත් කර තිබූ ප්‍රකාශයක් සම්බන්ධය චීනය සිය විරුද්ධත්වය ප්‍රකාශ කර තිබේ. 

මෙම ප්‍රකාශය වී තිබුණේ චීනය විසින් චීනයේ සිටින ඇමෙරිකානු රාජ්‍ය තාන්ත්‍රිකයන්ගේ ගුද මාර්ගයෙන් කොවිඩ්-19 හඳුනා ගැනීම සඳහා සාම්පල් ලබා ගැනීමට උත්සාහ කළ බවයි. 

ඇමෙරිකානු රාජ්‍ය දෙපාර්තුමේන්තුව විසින් චීනයට පවසා තිබුණේ එවැනි පරික්ෂණ සඳහා සිය රාජ්‍ය තාන්ත්‍රිකයන්ව සම්බන්ධ නොකරගන්නා ලෙසයි. එමෙන්ම ඔවුන් වැඩිදුරටත් සඳහන් කර තිබුණේ ඇමරිකානු රාජ්‍ය තාන්ත්‍රිකයින්ගේ සහ ඔවුන්ගේ පවුල්වල ආරක්ෂාව සහ ආරක්ෂාව සහතික කිරීමට කැපවී සිටින අතරම ඔවුන්ගේ ගෞරවය රැකෙන ලෙසින් කටයුතු කරන ලෙසයි.

චීනය මෙම චෝදනා දැඩි ලෙස ප්‍රතික්ෂේප කර තිබුණු අතර චීන විදේශ කටයුතු අමාත්‍යවරයා සඳහන් කර තිබුණේ එවැනි කිසිදු පරික්ෂණයක් සඳහා තම රජය විසින් ඇමෙරිකානු රාජ්‍ය තාන්ත්‍රිකයන්ගෙන් ඉල්ලීමක් කර නොතිබුණු බවයි.

කොරෝනා වෛරස් ආසාදිතයන් හඳුනා ගැනීම සඳහා චීනය වේගවත් ක්‍රියාවලියක් ආරම්භ කර ඇති අතර ඒ සඳහා මෙලෙස ගුද මාර්ගයෙන් ද කොවිඩ්-19 හඳුනා ගැනීම සඳහා සාම්පල් ලබා ගැනීමට කටයුතු කරමින් සිටියි.


සැබැඳි පුවත -

කොරෝනා ආසාදිතයන් හඳුනා ගන්න ‘ගුද’ මාර්ගයෙනුත් සාම්පල් ගන්න යයි

චීනයේ මීට මාස කිහිපයකට පෙර නැගී එන සුරූපී ගායිකාවක් මෙන්ම නිළියක් වූ ගාඕ ලිවූ හට ඇයට කළ සැත්කමක් වැරදීම නිසා රෝගී තත්ත්වයකට මුහුණ දීමට සිදුව තිබේ.

ඒ ඇය විසින් ඇයගේ නාසය සකසා ගැනීමට කළ රූපලාවන්‍ය ප්ලාස්ටික් සැත්කමක් මෙලෙස ආසාධනය වීම නිසා ඇයගේ නාසයේ ඉදිරි කොටස ආසාදනය වී මිය ගොස් තිබුණි.

පසුගිය වසරේ ඔක්තොම්බර් මාසයේ දී ඇය විසින් මිතුරෙකු හරහා රූපලාවන්‍ය ප්ලාස්ටික් සැත්කමක් කර ගැනීම සඳහා වෛද්‍යවරයෙකු හඳුනා ගෙන තිබුණු අතර ඒ අනුව ඇය විසින් ඇයගේ නාසයේ හැඩය තවත් සකසා ගැනීමට කටයුතු කර තිබුණි.

එම සැත්කමින් අනතුරුව ඇයගේ නාසය ආසාදනය වී තිබුණු අතර ඇයට නෙරෝසිස් (necrosis) නම් තත්ත්වය ඇතිව තිබුණු අතර ඇයගේ නාසයේ සම මිය යාමට පටන්ගෙන තිබුණි.

පසුව ඇයට එම සැත්කම කළ රෝහල සහ වෛද්‍යවරයා ගැන සොයා බලා ඇති අතර එහිදී එම රෝහලට රූපලාවන්‍ය සැත්කම් හෝ එවැනි කටයුතු කිරීම සඳහා අවශ්‍ය පහසුකම් හෝ එයට නීතියානුකූල අවසර හිමිව නොමැති බව සඳහන් සොයාගෙන තිබේ.

මාස කිහිපයකට පෙර නැගී එන සුරූපී ගායිකාවක් වූ ඇය එක්වරම සමාජ මාධ්‍යයෙන් සහ පැපරාසි සහ මාධ්‍ය ඉදිරියේ පෙනී නොසිටිම නිසා බොහෝ පිරිසක් ඇයව සොයා තිබුණු අතර පසුව ඇය සමාජ මාධ්‍යයේ පෙනි සිටිමින් තමන්ට සිදු වු අනතුර පිළිබඳව සියලු දෙනාව දැනුවත් කිරීමට කටයුතු කර තිබුණි.

එහිදී ඇය විසින් අනිසි රූපලාවන්‍ය කටයුතු නිසා සිදුවන අනතුරු ගැන පිළිබඳව තරුණ තරුණියන් දැනුවත් කිරීමටද කටයුතු කිරීමට අමතක කර නොකළාය.

 

Page 1 of 2