අමෙරිකා එක්සත් ජනපදයේ, ෆ්ලොරිඩා ප්‍රාන්තයේ, සර්ෆ්සයිඩ්හි පිහිටි සුවිසල් නිවාස සංකීර්ණයක කොටසක් කඩා වැටී තිබෙනවා.
එරට වේලාවෙන් අළුයම 1ට පමණ අදාළ අනතුර සිදුව ඇති බව සඳහන්.
ගොඩනැගිල්ල මෙලෙස කඩා වැටීමෙන් අනතුරුව ගලවාගැනීමේ කණ්ඩායම් වහාම එම ස්ථානයට පැමිණ ඇති අතර සුන්බුන් අතර සිර වූ බොහෝ දෙනෙකු මුදා ගැනීමට සමත් ව තිබෙනවා.
තුවාල ලැබූවන් ගණන 10ක් පමණවන බවත් මේවන විට එක් මළ සිරුරක් හමුව ඇති බවත් වාර්තා වෙනවා.
එමෙන්ම තවත් පුද්ගලයින් 51 දෙනෙකු සුන්බුන් අතර අතුරුදන් වී ඇති බවයි එක්සත් ජනපද මාධ්‍ය ප්‍රකාශ කළේ.
මේ අතර මෙම ගොඩනැගිල්ල කඩා වැටෙන අයුරු අසළ පිහිටි තවත් ගොඩනැගිල්ලක CCTV කැමරාවෙහි සටහන්ව තිබුණා.
එම වීඩියෝව සහ තවත් ඡායාරූප පහතින්..
