උතුරු කොරියානු නායක කිම් ජොන්ග්-උන් සිය බාල සොහොයුරියට තම පක්ෂයේ ඉහළ ධුරයක් පිරිනමා ඇත.
කිම් යෝ-ජොන්ග් නමැති ඇය උතුරු කොරියානු KCNA පක්ෂ මධ්යම කමිටුවේ උප-අධ්යක්ෂවරයෙකු ලෙස පත්කොට ඇති බවයි විදෙස් මාධ්ය වාර්තා කර සිටින්නේ.
කිම් ජොන්ග්-උන්, කිම් පවුලේ තුන්වැනි පරම්පරාව නියෝජනය කරන නායකයා ලෙස මේ වනවිට උතුරු කොරියාව පාලනය කරන අතර, ඔහු ආසියානු කලාපයේ ඒකාධිපති පාලකයෙකු ලෙස මේ වනවිටත් නම් දරා සිටියි.
ඔහුගේ නැන්දා ද එරට පාලක පක්ෂයේ ඉහළ තනතුරක් දරන අයෙකි. කෙසේ වෙතත්, කිම් ජොන්ග්-උන් තම බලය ආරක්ෂා කරගැනීම වෙනුවෙන් මීට මාස කිහිපයකට පෙර පාලක පක්ෂයේ ඉහළ ධුරයක් හෙබවූ ඔහුගේ මාමා මරා දැමුවේ, රජය පෙරළීමට කුමන්ත්රණයක් කරන බව පවසමිනි.