මධ්‍යම අධිවේගී මාර්ගයේ දෙවන අදියරේ දැනට ඉදිකිරීම් අවසන් කර ඇති ප්‍රධාන අන්තර් හුවමාරුව ලෙස සැලකෙන මීරිගම අන්තර් හුවමාරුව වෙත පිවිසෙන පිවිසුම් මාර්ග වල ඉදිකිරීම් කටයුතු වල වර්ථමාන තත්ත්වය පිලිබදව සොයා බැලීම සඳහා මහාමාර්ග අමාත්‍ය ජොන්ස්ටන් ප්‍රනාන්දු මහතා අද(22) එහි නිරීක්ෂණ චාරිකාවක නිරත වී තිබෙනවා.
මීරිගම - කුරුණෑගල අධිවේගී මාර්ගය විවෘත කිරීමෙන් අනතුරුව මීරිගම නගරයේ ඇතිවන දැඩි වාහන තදබදයට පිලියමක් ලෙස මීරිගම නගරයේ සිට අන්තර්හුවමාරු මධ්‍යස්ථානය දක්වා අතුරු මාර්ගයක් ඉදිකිරීම කෙරෙහි අමාත්‍යවරයාගේ අවධානය මෙම නිරීක්ෂණය චාරිකාවේදී යොමු වී තිබෙනවා.
එමෙන්ම මීරිගම නගරයේ රථවාහන ගාල් කිරීම සදහා රථවාහන ගාල ඉදිකරන ප්‍රදේශයද අමාත්‍යවරයාගේ නිරීක්ෂණයට ලක්විය.
