ඉඩම් ලියාපදිංචි කිරීමේ ක‍්‍රියාවලිය ඩිජිටල් සේවාවක් බවට පත්කිරීම ආරම්භ කර ඇතැයි ශ‍්‍රී ලංකා තොරතුරු හා සන්නිවේදන තාක්ෂණ නියෝජිතායතනය පවසයි.
 
 කොළඹ දිස්ත‍්‍රික්කයෙන් ප‍්‍රථම පියවර ආරම්භ කරන ලද මෙම ක‍්‍රියාවලිය මෙම වසර අවසන් වන විට දිවයින පුරා ඉඩම් ලියාපදිංචි කිරීමේ කාර්යාල 45 ක ක‍්‍රියාත්මක කිරීමට නියමිතය. ඒ ස`දහා වූ ඉ-ඉඩම් මෘදුකාංගය නිල වශයෙන් ක‍්‍රියාත්මක කිරීම පෙරේදා (04දා* කොළඹ ඉඩම් ලියාපදිංචි කිරීමේ කාර්යාලයේදී සිදු කෙරිණි.
 
 මෙම නව මෘදුකාංගය තුළින් ඉඩම් හා දේපළ ලේඛන අතින් ලියාපදිංචි ක‍්‍රමවේදය වෙනුවට මෘදුකාංගයක් මගින් ලේඛනගත කිරීම, ලියාපදිංචි කිරීම හා ආපසු නිකුත් කිරීම සිදු කෙරේ. මෙය දේපළ ලියාපදිංචි කිරීමේ කාර්යසාධක බළකායේ මගපෙන්වීම මත ශ‍්‍රී ලංකා ව්‍යාපාර කිරීමේ පහසුව ඉහළ නැංවීම අරමුණු කරගනිමින් ඉ- ඉඩම් ව්‍යාපෘතිය යටතේ ආරම්භ කරන ලදී. මෙම මෘදුකාංග ව්‍යාපෘතිය පූර්ණ වශයෙන්ම දියත් කරනු ලැබුවේ ශ‍්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ තාක්ෂණික සහායෙනි.