වැඩි කල ඉන්ධන මිලට විරෝධය පාමින් සහ වැඩි වු ජිවන වියදම පහල දමන ලෙස රජයට බල කරමින් සමගි ජන බලවේගයේ සාමාජිකයන් පිරිසක් ගිනිගත්හේන නගර මධ්යයේදි ඊයේ (23) රාත්රියේ පන්දම් දල්වා උද්ඝෝෂණයක නිරත වුණා.
සමගි ජන බලවේගයේ මස්කෙලිය ආසන සංවිධායක කපිල නාකන්දල මහතා විසින් මෙම උද්ඝොෂණය සංවිධානය කර තිබුණා.
උද්ඝෝෂණයට මස්කෙලිය ආසනයේ සමගි ජන බලවේගයේ ආධාරකරුවන් විශාල පිරිසක් සහභාගි වුණා.
මේ අතර හබරාදුව පොලිස් වසමේ බෝගහගොඩ නගරයේ දි ඊයේ (23) රාත්රි විරෝධතාවයක් පැවැත්වුණා.
සමගි ජන බලවේගය හබරාදුව ප්රධාන සංවිධායක සුමනසිරි ලියනගේ මහතාගේ ප්රධානත්වයෙන් මෙම විරෝධතාවය පැවැත්වුණා.
විරෝධතාකරුවන් පන්දම් දල්වා ගනිමින් විවිධ සටන්පාඨ කියමින් මෙකි විරෝධතාවයේ නිරත වුණා.
ගිනිගත්හේන නගර මධ්යයේ පැවති විරෝධතාවය
බෝගහගොඩ නගරයේ පැවති විරෝධතාවය
(හැටන් - රංජිත් රාජපක්ෂ / ගාල්ල - ලලිත් චාමින්ද)