ඕස්ට්‍රේලියා කණ්ඩායමේ ශ්‍රී ලංකා සංචාරයට පෙර ශ්‍රී ලංකා පිළේ හිටපු සුපිරි දඟ පන්දු යවන ක්‍රීඩක මුත්තයියා මුරලිදරන් ඕස්ට්‍රේලියා කණ්ඩායමේ උපදේශකයකු වශයෙන් කටයුතු කිරීම පිළිබඳව එල්ල වන චෝදනාවලට ප්‍රතිචාර දක්වමින් ශ්‍රී ලංකා කණ්ඩායමේ හිටපු නායක කුමාර් සංගක්කාර ට්විටර් පණිවිඩ පෙළක් නිකුත් කර තිබෙනවා.

ශ්‍රී ලංකා ක්‍රිකට් ආයතනය විසින් ශ්‍රී ලංකා කණ්ඩායමේ අභිවෘදිය වෙනුවෙන් පුහුණුකරුවකු ලෙස කටයුතු කරන්නැයි ඉල්ලීමක් කළ හොත් මුරලි කිසිවිටෙකත් එය ප්‍රතික්ෂේප නොකරන බවත් ඔහු විසින් එය නොපැකිළ ඉටු කරනු ඇති බවත් කුමාර් සංගක්කාර එම පණිවිඩයේ පවසා තිබෙනවා.

මෙරට ක්‍රීඩකයෙකු මුරලිදරන් හමුවට ගොස් උපදෙස් ඉල්ලුවහොත් එයට අවැසි උපරිම කාලය ගෙන මුරලි තම උපදේශනය ලබා දෙන බවත් සංගක්කාර පවසනවා.