කාලයකට පෙර 20-20 ක්‍රිකට් පිටියේ පන්දු යැවීම් ශ්‍රේණිගත කිරීම්වල ඉහළින්ම සිය නම සටහන් කරගෙන සිටි සුනිල් නාරන් හට නැවත වරක් පන්දු යැවීමට අවස්ථාව උදා වී තිබේ.

ඒ මේ වන විට පැවැත්වෙන ඉන්දීය ප්‍රිමියර් ලීග් තරඟාවලිය අතරතුරයි.

සිය පන්දු යැවීමේ ඉරියව්ව ඉන්දීය ප්‍රිමියල් ලීග් තරඟාවලියක් අතරතුර නීති විරෝධී ලෙස පැවසීමත් සමඟ සුනිල් නාරන් හට එම තරඟාවලියේ පන්දු යැවීමට තහනමක් පනවනු ලැබුණි.

නමුත් අද (18) දිනයේ ඔහු ක්‍රීඩා කරනු ලබන කොල්කටා නයිට් රයිඩර්ස් සහ සන් රයිසස් හයිද්‍රාබාද් අතර තරගය ආරම්භ වීමට පැය කිහිපයකට පෙර සුනිල් නාරන්ව පන්දු යැවීමේ ඉරියව් නීති විරෝධී ලෙස සඳහන් කර ඇති පන්දු යවන්නන්ගේ ලේඛනයෙන් ඉවත් කර ඇති බව කොල්කටා නයිට් රයිඩර්ස් කණ්ඩායම හට ඉන්දීය ප්‍රිමියර් ලීග් බලධාරීන් සඳහන් කර තිබේ.

20-20 තරග 347කට සහභාගී වී ඉනිම 342ක් තුළ කඩුළු 390ක් ලබා සිටින නාරන්ගේ හොඳම පන්දු යැවීම වන්නේ ලකුණු 19කට කඩුළු 5ක් බිඳ හෙලීමයි.