ක්රිකට් ක්රීඩාවේ පන්දු යැවීමේදී නිවැරදි ඉරියව් භාවිත නොකර පන්දුව දමා ගසන ක්රීඩකයින් රැසක් හඳුනා ගැනීමට ශ්රී ලංකා ක්රිකට් ආයතනයට හැකි වී තිබේ.
ඒ පන්දු යවන්නන් නිවැරදි කිරීමේ වැඩපිළිවෙලක් ශ්රී ලංකා ක්රිකට් ආයතනය ආරම්භ කර ක්රියාත්මක කිරීමේ වැඩපිළිවෙල යටතේය. ඒ අනුව, පළමුව පාසල් සහ අන්තර් සමාජ මට්ටමින් මෙම ක්රීඩකයන් හඳුනා ගැනීමට පියවර ගෙන ඇත.
එසේම එවැනි ක්රීඩකයින් හඳුනා ගන්නා ලෙස තරඟ විනිසුරුවරුන්ට සහ පුහුණුකරුවන්ට උපදෙස් ලබාදී ඇති බව ද ශ්රී ලංකා ක්රිකට් ආයතනය සඳහන් කරයි. ඒ අනුව දැනට අන්තර් සමාජ සහ පාසල් මට්ටමින් පන්දුව දමා ගසන බවට සැක කළ හැකි ක්රීඩකයින් 170 දෙනෙකු හඳුනාගෙන තිබීම විශේෂත්වයක්.