February 27, 2021

මීට ටික දිනකට පෙර පැවති එක්සත් ජාතික පක්ෂ කෘත්‍යාධිකාරී මණ්ඩල රැස්වීමේදී පක්ෂ නායක රනිල් වික්‍රමසිංහ මහතා විසින් හිටපු මහ ලේකම් අකිල විරාජ් කාරියවසම් මහතා පක්ෂයට කළ සේවය අගය කරමින් අදහස් දක්වා තිබේ.

පක්ෂ නායකයා හිටපු මහ ලේකම්වරයාව අගය කළ කෘත්‍යාධිකාරි මණ්ඩල රැස්වීම අකිල විරාජ් කාරියවසම් මහතා වර්ජනය කර තිබෙන බවද වාර්තා වේ.

අකිල විරාජ් කාරියවසම් මහතා මහ ලේකම් ධුරයෙන් ඉල්ලා අස්වීමේ ලිපිය වික්‍රමසිංහ මහතාට දුන් අවස්ථාවේ වික්‍රමසිංහ මහතා විසින් එය ප්‍රතික්ෂේප කළ බවද දැනගන්නට තිබේ.

අකිල විරාජ් කාරියවසම් මහතා මහ ලේකම්වරයා ලෙසත් පක්ෂයේ ක්‍රියාකාරියකු ලෙසත් පක්ෂයට කළ සේවය අගය කළ වික්‍රමසිංහ මහතා ඔහු ආදර්ශයට ගත යුතු පුද්ගලයකු ලෙසද කෘත්‍යාධිකාරි මණ්ඩලය හමුවේ සදහන් කොට තිබේ.

අකිල විරාජ් කාරියවසම් මහතා පුරප්පාඩුව තිබෙන එක්සත් ජාතික පක්ෂ මහලේකම් ධූරය ඉල්ලමින් දිගින් දිගටම පක්ෂ නායකත්වයට බලපෑම් කර තිබෙන බවද ප්‍රසිද්ධ කරුණකි.

විටෙක කාරියවසම් මහතා තමාගේ නම ම ජාතික ලැයිස්තු මන්ත්‍රී ධුරයට නම් කරන බවට ප්‍රකාශ කිරීමත් සමඟ ඔහු හා වික්‍රමසිංහ මහතා අතර වචන හුවමාරුවක් ද සිදු වූ බව ප්‍රකට කරුණකි.

එක්සත් ජාතික පක්ෂ මහලේකම් ධුරයෙන් ඉල්ලා අස් වූ අකිල විරාජ් කාරියවසම් මහතා බොහෝ කලක සිට පක්ෂයට හිමි ජාතික ලැයිස්තු මන්ත්‍රීධූරය බලාපොරොත්තුවෙන් සිටියද දැන් ඊට ද බාධා එල්ල වෙමින් තිබෙන බව දේශපාලන ආරංචි මාර්ග සඳහන් කරයි.

පක්ෂයේ ජේෂ්ඨ මන්ත්‍රීවරුන් පිරිසක් ජාතික ලැයිස්තු මන්ත්‍රීධූරය සඳහා රනිල් වික්‍රමසිංහ මහතාව යෝජනා කළ ද වික්‍රමසිංහ මහතා එම යෝජනාව ප්‍රතික්ෂේප කරමින් සඳහන් කොට ඇත්තේ තරුණයෙකු නම් කරන ලෙසත් එසේ නම් කරන තැනැත්තා තමන් එම මන්ත්‍රී ධූරයට පත් කරන බව ය.

පක්ෂ නායක රනිල් වික්‍රමසිංහ මහතා මේ බැව් සඳහන් කර තිබෙන්නේ පක්ෂයේ හිටපු මන්ත්‍රීවරුන් ඉදිරිපිටය.

එහිදී හිටපු රාජ්‍ය අමාත්‍යවරියක වන අනෝමා ගමගේ මහත්මිය යෝජනා කර තිබෙන්නේ පක්ෂ නායකයා ජාතික ලැයිස්තු මන්ත්‍රී ධූරය බාර නොගන්නේ නම් ඒ සඳහා නියෝජ්‍ය නායක රුවන් විජේවර්ධන මහතා පත් කළ යුතු බව ය.

එම යෝජනාව පක්ෂයේ හිටපු මන්ත්‍රීවරුන් සියලු දෙනාම ඒකමතිකව අනුමත කොට තිබෙන බවද ආරංචි මාර්ග සඳහන් කරයි.

මෙය කාරියවසම් මහතාව ජාතික ලැයිස්තු මන්ත්‍රී ධුරයට නම් කෙරීමට බාධාවක්ව තිබේ.

එක්සත් ජාතික පක්ෂ මූලස්ථානය වන සිරිකොතෙන් තමන්ට කිසිදු සහයෝගයක් නොලැබීම පක්ෂ ලේකම් ධුරයෙන් ඉවත්වීමට හේතු වූ බව එක්සත් ජාතික පක්ෂ මහ ලේකම් අකිල විරාජ් කාරියවසම් මහතා පක්ෂ නායක රනිල් වික්‍රමසිංහ මහතාට දැනුම් දී තිබේ.

ඒ හේතුවෙන් පක්ෂයේ විනය කැඩූ සාමාජිකයෙකුට එරෙහිව තමාට විනය පියවරක් ගැනීමට නොහැකි තත්වයක් පවතින බව ද කාරියවසම් මහතා පක්ෂ නායකයා වෙත ලිපියක් යොමු කරමින් දන්වා තිබේ.

කලක් කාරියවසම් මහතාට සහයෝගය දුන් ඔහු නියෝජනය කරන කුරුණෑගල දිස්ත්‍රික්කයම නියෝජනය කරන ශමල් සෙනරත් මහතා ද මේ වන රනිල් වික්‍රමසිංහ මහතාගේ තවත් කිට්ටු තම සමිපතයෙකු වන සාගල රත්නායක මහතාට සහයෝගය දීම ද කාරියවසම් මහතාට ප්‍රශ්නයක් වී තිබෙන බවද සිරිකොත ආරංචි මාර්ග සඳහන් කරයි.

සාගල රත්නායක මහතා ද බොහෝ කලක සිට එක්සත් ජාතික පක්ෂ මහලේකම් ධුරය බලාපොරොත්තුවෙන් සිටී.

අකිල විරාජ් කාරියවසම් මහතා එක්සත් ජාතික පක්ෂ මහලේකම් ධුරයෙන් ඉල්ලා අස්වීමේ ලිපිය පක්ෂ නායක රනිල් වික්‍රමසිංහ මහතාට මීට ටික දිනකට පෙර බාරදී තිබේ.

එක්සත් ජාතික පක්ෂයේ මහ ලේකම් තනතුරින් තමා ඉල්ලා අස්වන බව අකිල විරාජ් කාරියවසම් මහතා ප්‍රකාශ කර තිබේ.

අද(23) සිරිකොත පක්ෂ මූලස්ථානයේ පැවැති රැස්වීමකදී ඔහු මේබව ප්‍රකාශ කර තිබේ.

එහිදී අකිල විරාජ් කාරියවසම් මහතා සඳහන් කර ඇත්තේ තමන් මෙතෙක් එක්සත් ජාතික පක්ෂය තුළ දැරූ මහලේකම් තනතුරින් ඉවත් වීමට තීරණය කළ බවයි.

ඒ අනුව පක්ෂ ප්‍රතිසංවිධානය යටතේ ඉදිරියේදී නව මහලේකම්වරයෙක් පක්ෂයට පත්කිරීමට නියමිත බව වාර්තා වේ.

එක්සත් ජාතික පක්ෂයේ ජාතික ලැයිස්තු මන්ත‍්‍රී ධුරයට මහ ලේකම් අකිල විරාජ් කාරියවසම් පත් කිරීමට පක්ෂ නායක රනිල් වික‍්‍රමසිංහ මහතාගේ අවධානය යොමු වී තිබේ. 

ජාතික ලැයිස්තු මන්ත‍්‍රී ධුරය සඳහා නම් කිහිපයක් යෝජනා වී ඇති අතර තරුණ නායකයෙකු ඒ සඳහා පත්කිරීම සුදුසු බව පක්ෂ නායකත්වයේ අදහස වී ඇත.

එක්සත් ජාතික පක්ෂයට හිමි පාර්ලිමේන්තු මන්ත‍්‍රී ධුරය ලබා ගැනීමට තමන් සූදානම් නොමැති බව පක්ෂ නායක රනිල් වික‍්‍රමසිංහ මහතා මීට පෙර ප‍්‍රකාශ කර තිබිණි. 

කෙසේවෙතත් මේ පිළිබඳ අවසන් තීරණයක් ගැනීම සඳහා පක්ෂයේ ජ්‍යෙෂ්ඨයින් අද සිරිකොත පක්ෂ මූලස්ථානයේදී රැස්වීමට නියමිතය.

මේ වර්ෂයේ අග හෝ ලබන වර්ෂය මුල දැනට එක්සත් ජාතික පක්ෂයේ නියෝජ්‍ය නායකධුරය දරන රුවන් විජේවර්ධන මහතා පක්ෂයේ නායකත්වයට පත් කිරීමෙන් පසු පක්ෂය ගොඩ නැගීමට ඔහුට සහාය දීම සඳහා පත් කළ යුතු කණ්ඩායම් පිළිබඳව ද පක්ෂ නායක රනිල් වික්‍රමසිංහ මහතා තුළ පැහැදිලි සැලැස්මක් තිබෙන බව සිරිකොත ආරංචි මාර්ග සඳහන් කරයි.

ඒ අනුව රුවන් විජේවර්ධන මහතා පක්ෂ නායකයා ලෙස පත් වීමෙන් පසු පුරප්පාඩු වන නියෝජ්‍ය නායක ධුරයට අකිල විරාජ් කාරියවසම් මහතාවද කාරියවසම් මහතා එම තනතුරට පත් කිරීමෙන් පුරප්පාඩු වන මහලේකම් ධූරය සඳහා සාගල රත්නායක මහතාවද පත්කිරීම වික්‍රමසිංහ මහතාගේ සැලැස්ම වෙයි.

සාගල රත්නායක මහතා බොහෝ කලක සිට පක්ෂ මහලේකම් ධූරය බලාපොරොත්තුවෙන් සිටින බව ප්‍රකට කරුණකි.

මෙම පත්කිරීම් සඳහා පක්ෂ කෘත්‍යාධිකාරී මණ්ඩලයේ දැනට සිටින සාමාජිකයින් හතළිස් දෙනාගෙන් බහුතරයකගේ කැමැත්ත අවශ්‍ය වන අතර එම කැමැත්ත ලබා ගැනීමේ ගැටලුවක් වික්‍රමසිංහ මහතාට නොමැති බවද සිරිකොත ආරංචි මාර්ග වැඩිදුරටත් සඳහන් කරයි.

එක්සත් ජාතික පක්ෂ කෘත්‍යාධිකාරි මණ්ඩලයේ බහුතරයක් පත් කරනු ලබන්නේ පක්ෂ නායකයා විසිනි.

එක්සත් ජාතික පක්ෂයේ නායකයා තෝරා පත් කර ගැනීමේ අර්බුදය දිනෙන් දින වර්ධනය වෙමින් පවතින බව වාර්තා වේ.

නායකත්වය සඳහා විවිධ නම් යෝජනා වෙමින් පවතින අතර ඒ වෙනුවෙන් විවිධ පාර්ශව මැදිහත් වීම හේතුවෙන් අර්බුදය තවත් උග්‍ර වී තිබේ.

එජාපය ඉදිරියට ගෙන යාම සඳහා කඩිනමින් නායකයෙකු පත් කර ගත යුතු බවත් නායකයාගේ අදූරදර්ශී ක්‍රියාවන් පක්ෂය කඩා වැටීමට අතිශයින් බලපෑ බවත් එක්සත් භික්ෂූ පෙරමුණේ නායක තීනියාවල පාලිත හිමියෝ පෙන්වා දෙති.

කෙසේ වෙතත් සාකච්ඡා මාර්ගයෙන් නායකත්ව අර්බුදය ලබන සඳුදා වන විට සමථයකට පත් කර ගැනීමට හැකියාවක් ඇතැයි එජාප ප්‍රබලයෙකු පැවසීය.

නායකත්වය සඳහා රවී කරුණානායක, අකිල විරාජ්, දයා ගමගේ සහ වජිර අබේවර්ධන යන අයගේ නම් ඉදිරිපත් වී තිබේ.

එක්සත් ජාතික පක්ෂ මහ ලේකම් අකිල විරාජ් කාරියවසම් මහතා සම්බන්ධයෙන් පක්ෂ නායක රනිල් වික්‍රමසිංහ මහතා තුළ තිබූ විශ්වාසය බිඳ වැටි ඇති බැව් සිරිකොත ආරංචි මාර්ග සඳහන් කරයි.

මේ දෙදෙනා අතර ගැටුමක් ඇති කිරීමට මුල් වී තිබෙන්නේ වික්‍රමසිංහ මහතාගේ ඉතාම සමීපතයෙකු වන හිටපු අමාත්‍යවරයෙකු වූ සාගර රත්නායක මහතා බවද වාර්තා වෙයි.

දැනගන්නට තිබෙන ආකාරයට කාරියවසම් මහතා යම් යම් දේශපාලන හා පෞද්ගලික කාරණා කිහිපයක් මුල් කොටගෙන වික්‍රමසිංහ මහතාට දෙස් පවසා ඇති අතර ඒ අවස්ථා ඉන් උරන වූ වික්‍රමසිංහ මහතා කාරියවසම් මහතාට බැන පන්නාගෙන තිබේ.

ඉන්පසු වික්‍රමසිංහ මහතා මෙම සිද්ධිය හිතවතුන් කිහිප දෙනෙකුට දැනුම් දී තිබෙන අතර කළක් අමනාපව සිටි මලික් වික්‍රමසිංහ මහතාද ඒ අතර වේ.

එළැඹෙන මහා මැතිවරණයට පෙර එක්සත් ජාතික පක්ෂයේ ප්‍රධාන තනතුරු කිහිපයක වෙනසක් සිදු කිරීමට එජාප නායක රනිල් වික්‍රමසිංහ මහතා සැලසුම් කර තිබේ.

සජිත් ප්‍රේමදාස මහතා දැරූ නියෝජ්‍ය නායක ධූරය රවී කරුණානායක මහතාටත් ඔහු දැරූ උප නායක ධූරය අකිල විරාජ් කාරියවසම් මහතාටත්, කාරියවසම් මහතා දැරූ මහා ලේකම් ධූරය සාගල රත්නායක මහතාටත් ලබා දීමට නියමිත බව වාර්තා වෙයි. නවීන් දිසානායක මහතා ජාතික සංවිධායක ධූරයේම තැබීමට වික්‍රමසිංහ මහතා බලාපොරොත්තු වෙයි.

මේ වන විට කෘත්‍යාධිකාරී මණ්ඩලයට නව සාමාජිකයන් 09 දෙනෙකු පත් කර ඇති අතර ඉදිරියේ දී තවත් සාමාජිකයන් 21 දෙනෙකු වික්‍රමසිංහ මහතා විසින් පත් කිරීමට නියමිතය.

මෙම වෙනස් කිරීම් සමඟ ඉදිරි මහා මැතිවරණය මුහුණ දීම එජාප නායකයාගේ ඉල්ලකය වී තිබේ.