මෙරට මාධ්යවේදිනියන් හට සිය සේවා ස්ථානයේ දී සිදුවන ලිංගික හිරිහැර පිළිබඳව, අද (22) පැවැති කැබිනට් තීරණ දැනුම් දීමේ මාධ්ය සාකච්ඡාවේ දී මාධ්යවේදීන් විමසා සිටියා.
ඒ ජනමාධ්ය අමාත්ය කෙහෙලිය රඹුක්වැල්ල මහතාගෙන්.
එවැනි සිද්ධීන් බොහොමයක් පිළිබඳව මේ දිනවල සමාජ මාධ්ය ඔස්සේ හෙළිදරව් වෙමින් පවතින අතර ඒ පිළිබඳව දැනුවත් ද යන්න මාධ්යවේදීන් එහි දී ජනමාධ්ය අමාත්යවරයාගෙන් විමසුවා.
රඹුක්වැල්ල අමාත්යවරයා ප්රකාශ කළේ තමන් ඒ පිළිබඳව දැනුවත් නමුත්, එවැනි සිද්ධීන් පිළිබඳව නිල පැමිණිලි කිසිවක් මේවන තෙක් ලැබී නොමැති බවයි.
ඒ ආකාරයෙන් නිල පැමිණිල්ලක් ලැබෙන්නේ නම් එයට ක්ෂණික පියවර ගැනීමට හැකි බව ද අමාත්යවරයා පෙන්වා දුන්නා.
කෙසේ වෙතත් මේ සම්බන්ධයෙන් තම අමාත්යංශය විශේෂයෙන් සොයා බලා අනිවාර්යයෙන් අවශ්යය පියවර ගැනීමට බලාපොරොත්තුවන බවයි කෙහෙලිය රඹුක්වැල්ල අමාත්යවරයා අවධාරණය කළේ.