ශ්රී ලංකා පොදුජන පෙරමුණ සංවිධාන කරන ජන රැලිය අද(09) පස්වරු 2.00ට අනුරාධපුර සල්ගාදු ක්රීඩාංගණයේදී පැවැත්වීමට නියමිතයි.
රජයේ දේශපාලන සහ සංවර්ධන වැඩපිළිවෙළ සම්බන්ධයෙන් ජනතාව දැනුවත් කිරීම සඳහා රට පුරා සංවිධාන කෙරෙන රැස්වීම් මාලාවේ පළමු වැන්න අද අනුරාධපුරයේදී පැවැත්වෙනවා.
ශ්රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතාගේ ආරාධනය මත ජනාධිපති ගෝඨාභය රාජපක්ෂ, අගමැති මහින්ද රාජපක්ෂ මහත්වරු සහ රජයේ මැති ඇමැතිවරු ද ඊට සහභාගි වීමට නියමිතයි.
කොවිඩ් වසංගතයෙන් ජය ගැනීම සඳහා ආණ්ඩුව ගත් ක්රියාමාර්ග, අය වැයෙන් වැඩ ලක්ෂයක් වැඩසටහන සහ ඉදිරි දේශපාලන හා මැතිවරණ කටයුතු සම්බන්ධයෙන් ද ජනතාව දැනුවත් කිරිම සඳහා මේ රැස්වීම් මාලාව පැවැත්වෙන බවයි එම පක්ෂය පෙන්වා දෙන්නේ.