ජනවාරි මස 01 වනදා සිට පොදු ස්ථානවලට ඇතුළුවීමේ දී කොවිඩ් එන්නත් කාඩිපත් අනිවාර්යය කිරීමට රජය තීරණය කර ඇතැයි සංචාරක ඇමති ප්රසන්න රණතුංග මහතා පවසයි.
සෞඛ්ය අමාත්යාංශය ඒ සඳහා ඉදිරි පියවර ගනිමින් සිටින බව අමාත්යවරයා පවසයි.
තමන්ට ලැබෙන පළමු අවස්ථාවේ දි නියමිත කොවිඩ් එන්නත ලබා ගැනීම සමස්ථ පුරවැසියන්ගේ වගකීමක් බවයි ඒ මහතා සඳහන් කරන්නේ.
එහිදී ඒ මහතා මෙසේ ද සඳහන් කළා.
“කොවිඩ් කමිටුව තීරණයක් ගත්තා ජනවාරි 01 වනදා ඉඳන් QR කෝඩ් එක නැත්තම් පොදු ස්ථානවලට යන්න බෑ කියලා යෝජනා කරලා තියෙනවා. ඒක ක්රියාත්මක වෙනකොට එන්නත නැත්තම් යන්න ලැබෙන්නේ නෑ. ඒ නිසා මිනිස්සුන්ව දැනුවත් කරලා පුලුවන් තරම් එන්නත ලබාගන්න උනන්දු කරන්න.”