පාසල් නැවත විවෘත කරන දිනයක් පිළිබදව නිශ්චිතව පැවසිය නොහැකි බව අධ්‍යාපන අමාත්‍ය මහාචාර්ය ජී. එල්. පීරිස් මහතා පවසනවා.
අමාත්‍යවරයා මෙම අදහස් පලකළේ රජයේ ප්‍රවෘත්ති දෙපාර්තමේන්තුවේ දී පැවති මාධ්‍ය හමුවකට එක්වෙමින්.
රට තුළ කොවිඩ් වසංගතයේ වර්තමාන තත්ත්වය හමුවේ එය නිශ්චිතව පැවසීමට නොහැකි බවයි ඔහු වැඩිදුරටත් පෙන්වා දෙන්නේ.
ඒ අනුව ඔන්ලයින් ක්‍රමවේදයන් හරහා දුරස්ථ ලෙස තවදුරටත් අධ්‍යාපනය ලැබීමට සිසු සිසුවියන්ට සිදුවන බව ඔහු අවධාරණය කළා.
මේ අතර ඔන්ලයින් ක්‍රමවේදයන් හරහා අධ්‍යාපනය ලැබීමේ දී විවිධ බාධක එල්ලවන දරු දැරියන් සඳහා ද වැඩපිළිවෙලක් සැකසීමට සූදානම් බව අධ්‍යාපන අමාත්‍යවරයා ප්‍රකාශ කළා.
ඔන්ලයින් පහසුකම් ලබා ගැනීමට නොහැකි සිසුන් වෙනුවෙන් “ප්‍රාදේශීය ඉගෙනුම් මධ්‍යස්ථාන” පිහිටුවීමට කටයුතු කරන බවයි ජී.එල්. පීරිස් අමාත්‍යවරයා අනාවරණය කළේ.
