මීට ටික මොහොතකට පෙර අවසන්වූ ශ්‍රී ලංකාවේ මානව හිමිකම් කඩවීම සම්බන්ධයෙන් වූ ජිනීවා මානව හිමිකම් කවුන්සිලයට ඉදිරිපත් වූ යෝජනාව වැඩි ඡන්ද 11කින් සම්මත විය.

යෝජනාවට පක්ෂව ඡන්ද 22 කුත්, විරුද්ධව ඡන්ද 11 කුත් ලැබුණු අතර රටවල් 14ක් ඡන්දය දීමෙන් වැළකී සිටින ලදී.

පාකිස්ථානය හා චීනය එම යෝජනාවට විරුද්ධව ශ්‍රී ලංකාවට පක්ෂපාතීව ඡන්දය ප්‍රකාශ කළ අතර අසල්වැසි ඉන්දියාව හා ජපානය ඡන්දය දීමෙන් වැලකී සිටින ලදී.

ඡන්දය දීම සඳහා රටවල් 47 ක් සුදුසුකම් ලබා තිබුණි.

එක්සත් ජාතීන්ගේ මානව හිමිකම් කවුන්සලයේ 46 වැනි සැසිවාරය පවතින කොවිඩ් වසංගත තත්වය හමුවේ පැවැත් වුණේ zoom තාක්ෂණය ඔස්සේය.