ප්රජාතන්ත්රවාදී පක්ෂයේ නායක ෆීල්ඩ් මාර්ෂල් සරත් ෆොන්සේකා මහතා අද (03) එක්සත් ජාතික පක්ෂ සාමාජිකත්වය ලබාගැනීමට නියමිතව තිබේ.
ඔහු වෙත එජාප ජාතික ලැයිස්තු පාර්ලිමේන්තු මන්ත්රී ධුරයක් ද පිරිනැමීමට තීරණය කර ඇත.
මේ වෙනුවෙන් අද සවස 3.00 ට අරලියගහ මැදුරේදී උත්සවයක් ද පැවැත්වෙන අතර එහි දී ප්රජාතන්ත්රවාදී පක්ෂයේ නායකයා ලෙස සරත් ෆොන්සේකා මහතා ද එක්සත් ජාතික පක්ෂය වෙනුවෙන් එජාප නායක අගමැති රනිල් වික්රමසිංහ මහතා ද අවබෝධතා ගිවිසුමකට අත්සන් කරයි.
ෆීල්ඩ් මාර්ෂල් සරත් ෆොන්සේකා මහතා එජාප ජාතික ලැයිස්තු මන්ත්රීවරයකු ලෙස මෙම මස 09 වැනිදා පාර්ලිමේන්තුවේදී දිවුරුම් දීමට නියමිතය.