ඒ.පී.ඒ ගුණසේකර මහතා මෙරට සිටී දක්ෂ රාජ්‍ය පරිපාලන නිලධාරියෙක්.
මේ වන විට විශ්‍රාමික දිවියක් ගෙවන ඔහු අමාත්‍යාංශ රැසක ලේකම් වරයෙකු ලෙසත් කටයුතු කර තිබෙනවා.
සීගිරියට කරන්න ගිය දේ
2001 රජයේ අග්‍රාමාත්‍යවරයා ව සිටී රනිල් වික්‍රමසිංහ මහතා පුරාවිද්‍යා නීති රීති තඹදොයිතුවකට නොතකා සීගිරියේ කානිවල් තබා එම ස්ථානය විනාශ කිරීමට ගත් පියවර තමන් නතර කළ හැටි ගුණසේකර මහතා සති අන්ත ජාතික පුවත්පතක් සමඟ සාකච්ඡාවකට එක්වෙමින් හෙළිදරව් කොට තිබෙනවා.
ඒ මධ්‍යම සංස්කෘතික අරමුදල අධ්‍යක්ෂවරයා හැටියට.
ගුණසේකර මහතා ඒ සම්බන්ධයෙන් කියන්නේ මෙන්න මෙහෙමයි.
සීගිරි ලඳුන් පණ පිටින්
"2001 අග්‍රාමාත්‍ය ධුරයට පත් වික්‍රමසිංහ මහතා සංචාරක අමාත්‍යාංශයත් සමඟ එක්ව සීගිරියේ කානිවල් එකක් තියන්න හැදුවා.සංචාරකයෝ ගෙන්නන්න කියලා පුරාවිද්‍යා නීති රීති වලට පටහැනිව ගෑනු අය උඩුකය නිරුවත්ව සීගිරි ලදුන් වගේ අන්දවලා ජලාශවල බස්සා අමුතුම වැඩක් කරන්න ලෑස්ති වුණා.මම ඒකට තදින්ම විරුද්ධ වුණා."
"මම හාමුදුරුවරු හම්බ වෙලා , සීගිරියේ වැඩ කරන අය හම්බ වෙලා ඒ අය සංවිධානය කරලා මේ වැඩේට විරුද්ධව සටන ගෙනිච්චා.ඒ වැඩේ එදා කලානම් ගෑනු අය බස්සන ජලාශවලට කිතුල් ඇට දාන්නත් සීගිරියේ තරුණයෝ ලෑස්ති වෙලා හිටියා.කොහොම හරි ලොකු සටනක් දීල ඒක නැවැත්තුවා.ඒකට රනිල් වික්‍රමසිංහ මාත් එක්ක කෝප වෙලා හිටියේ. මාව මධ්‍යම සංස්කෘතික අරමුදල අධ්‍යක්ෂ කමෙන් අයින් කලා."
එහෙත් තමා එම තනතුරින් ඉවත්ව ගියේ ඉතා සතුටින් බව ගුණසේකර මහතා සඳහන් කරනවා.
ලොකු සතුටක්
ඒ තනතුරට වඩා සීගිරියට වෙන්න ගිය ලොකු විනාශයකින් බේරා ගත්ත නිසා බවයි ඔහු පෙන්වා දෙන්නේ.
ගුණසේකර මහතාද එම තනතුරට පත්කර තිබෙන්නේ එම ආණ්ඩුවේ හිටපු සංස්කෘතික ඇමති කරුණාසේන කොඩිතුවක්කු මහතා විසින් වීමත් විශේෂත්වයක්.
ඒ ගැනද ගුණසේකර මහතා සඳහන් කරනවා.
ජාතික යුතුකමක් විදියට සලකා එම තනතුර භාර ගන්නා ලෙස කොඩිතුවක්කු මහතා තමාගෙන් ඉල්ලීමක් කළ බවත් එසේ නැතිව තමන් එම තනතුර ඉල්ලාගත් එකක් නොවන බවයි ගුණසේකර මහතා අවධාරණය කරන්නේ.
