ව්‍යායාම සදහා බයිසිකල් පදිනවා නම් ආරක්ෂාව ඇති පිට්ටනියක වැනි ස්ථානයක එම කටයුත්ත කරගෙන යන ලෙස හිටපු ජනාධිපති මෛත්‍රිපාල සිරිසේන මහතා විසින් රාජ්‍ය ඇමති දයාසිරි ජයසේකර මහතාට අවවාදයක් දෙමින් පවසා තිබෙනවා.
"දයාසිරි මම ඔයාට අවවාදයක් හැටියට තමයි මේ කතාව කියන්නේ. ඔයා උදෑසන තනියෙන් බයිසිකල් පදිනවා. ඒක අවදානම් වැඩක් බයිසිකල් පදිනවා නම් ආරක්ෂාව තියෙන පිට්ටනියක වගේ තැනක බයිසිකල් පදින්න." යැයිද හිටපු ජනාධිපතිවරයා ප්‍රකාශ කොට තිබෙනවා.
ගාල්ල දිස්ත්‍රික් ශ්‍රී ලංකා නිදහස් පක්ෂ සමුළුවෙන් පසු හිටපු ජනාධිපතිවරයා ඇතුළු ආරාධිත අමුත්තන් වෙනුවෙන් දිවා ආහාරය ගාල්ල දඩැල්ල ප්‍රදේශයේ පිහිටි සුපිරි හෝටලයක සුදානම් කොට තිබුණා.
එම අවස්ථාවේ දි හිටපු ජනාධිපතිවරයා දයාසිරි ජයසේකර රාජ්‍ය ඇමතිවරයාට මේ බව ප්‍රකාශ කොට තිබෙනවා.
(ගාල්ල - ලලිත් චාමින්ද)
