මේ වන විට පවතින කොවිඩ් අවධානම් තත්ත්වය ගැන තවදුරටත් තක්සේරු කර ගැනීම සදහා අවම වශයෙන් දිනකට පී.සී.ආර්. පරීක්ෂණ 12,000කට වැඩි 15,000කට ආසන්න සංඛ්‍යාවක් සිදුකළ යුතු බව රජයේ වෛද්‍ය නිලධාරීන්ගේ සංගමය පවසයි.

එහි සංස්කාරක වෛද්‍ය හරිත අලුත්ගේ මහතා පැවසුවේ පසුගිය 12 වැනිදා මෙරට තුළ සිදු කර ඇත්තේ පී.සී.ආර්. පරීක්ෂණ 10,000කට වැඩි සංඛ්‍යාවක් බවයි.

පසුගිය දිනවල කොළඹ මහ නගර සීමා බල ප්‍රදේශයේ සිදුකළ අහඹු පී.සී.ආර්. පරීක්ෂණ සාම්පල වලින් 5%ක් පමණ පොසිටිව් වූ බව වෛද්‍යවරයා සදහන් කළේය.

මේ වන විට වැඩිම අවධානමක් තිබෙන කොළඹ නගරය පිළිබද යම් මතයක් ප්‍රකාශ කළ හැකි වන්නේ එම ප්‍රදේශයේ සිදුකරන පී.සී.ආර්. පරීක්ෂණ මට්ටම අනුව බව ද වෛද්‍යවරයා සදහන් කරයි.

පී.සී.ආර්. ධාරිතාවය හැකි උපරිමයෙන් පවත්වාගෙන යාම ඉතාමත් වැදගත් බව ඔහු පැවසීය.

කෙසේ වෙතත් එවැනි තත්ත්වයක් පෙනෙන්නට නොමැති බව වෛද්‍ය හරිත අලුත්ගේ මහතා වැඩිදුරටත් සදහන් කරයි.