විශ්‍රාමික යුධ හමුදා සෙබළුන් පිරිසක් විසින් ආරම්භ කර ඇති විරෝධතා ව්‍යාපාරයක් හේතුවෙන් මේ වනවිට කොළඹ ලෝටස් පාර ප්‍රදේශයේ දැඩි රථ වාහන තදබදයක් ඇති බව වාර්තා වේ.
තමන්ට තිබූ සුබ සාධන දීමනා හා විශ්‍රාම වැටුප කපා හැර ඇතැයි පවසමින් ඊට විරෝධය දැක්වීමට විශ්‍රාමික යුධ හමුදා සෙබළුන් පිරිසක් අද (25) කොළඹ කොටුව දුම්රියපොළ ඉදිරිපිට දී විරෝධතාවයක් ආරම්භ කර තිබේ.
පසුගියදා විශ්‍රාම වැටුප් දෙපාර්තමේන්තුවේ නිලධාරීන් සමග පැවැත්වූ සාකච්ඡා අසාර්ථක වූ බවත් මෙතෙක් පැවති රණවිරු සුබසාධන කටයුතු ද නතර වී ඇති බවත් පවසමින් ඔවුන් මෙලෙස විරෝධතාවයේ නිරත වේ.
