ඩෙවෝන් දිය ඇල්ල නැරඹීමට පැමිණි තරුණියක් එම ඇල්ලෙන් පහළට ඇද වැටී තිබෙනවා.
දිඹුල - පතන පොලීසිය පවසන්නේ ඇයගේ සිරුර සොයාගත නොහැකි වී ඇති බව යි.
දිය ඇල්ල නැරඹීම සඳහා තරුණියන් තිදෙනෙකු පැමිණ ඇති බවත් ඔවුන් දිය ඇල්ල ආරම්භවන ඉහළ කොටසට ගොස් ඇති බවත් පැවසෙනවා.
අනතුරුව දිය ඇල්ල මුදුනෙහි ජල පහරින් පා සේදීමට උත්සහ කිරීමේ දී එක් තරුණියක් ලිස්සා ගොස් දියට ඇද වැටී ඇති අතර ඇය ගසාගෙන ගොස් දිය ඇල්ලෙන් පහළට ඇදවැටුණු බව අනෙක් තරුණියන් ප්රකාශ කර ඇති බව සඳහන්.
මෙම සිදුවීම වී ඇත්තේ අද (18) පස්වරු 1.00ට පමණ යි.
මෙලෙස ඇද වැටී ඇත්තේ තලවකැලේ, ලිඳුල ප්රදේශයේ පදිංචි පවිත්රා නැමැති තරුණියක්.
ඇය 19 හැවිරිදි වියෙහි පසු වී තිබෙනවා.
තරුණියගේ සිරුර සොයා පොලීසිය, යුධ හමුදාව, ගුවන් හමුදාව හා පොලිස් විශේෂ කාර්ය බලකාය එක්ව විශේෂ මෙහෙයුමක් ද ආරම්භ කර තිබෙනවා.
ප්රදේශවාසීන් පවසන්නේ ඇදහැළෙන වර්ෂාවත් සමග ඩෙවෝන් දිය ඇල්ලට ඉහලින් වු ඩෙවොන් ඇළේ ගල් තලාව මේ දිනවල දැඩි ලිස්සන සුළු බවක් ගෙන ඇති බව යි.
දිය ඇල්ල මුදුන වෙත පැමිණෙන පිරිස් ඩෙවොන් ඇළට පිවිසීම වැලැක්විම සදහා කම්බි වැටක් ද ඉදිකර ඇති අතර අනතුරට පත් වූ තරුණිය ඇතුළු තිදෙනා එම වැට ද පැන ඇළ වෙත ගොස් ඇති බව යි වාර්තා වන්නේ.
මෙම දිය ඇල්ල අඩි 297ක් පමණ උසින් යුතු වනවා.