මෙවර මහ මැතිවරණයෙන් පාර්ලිමේන්තුවට තේරී පත්වන බස්නාහිර පළාත් ප්‍රධාන අමාත්‍ය ප්‍රසන්න රණතුංග මහතාගෙන් පුරප්පාඩු වන මහ ඇමතිධූරය ලබාගැනීම සඳහා එම පළාත් සභාවේ ජ්‍යෙෂ්ඨ මන්ත්‍රීවරයකු වන හෙක්ටර් බෙත්මගේ මහතා ජනාධිපති මෛත්‍රීපාල සිරිසේන මහතාගෙන් ඉල්ලීමක් කර ඇතැයි වාර්තා වේ.

එමෙන්ම පළාත් සභාවේ සභාපති සුනිල් විජේරත්න, අමාත්‍යවරුන් වන ගාමිණී තිලකසිරි, රංජිත් සෝමවංශ, උපාලි කොඩිකාර මහත්වරුන් ද මහ ඇමැති ධුරය ලබා ගැනීම සඳහා ඉල්ලීම් ඉදිරිපත් කර ඇති බව ද පැවසේ.

ඉන් ඇතැමුන් හිටපු ජනාධිපතිනි චන්ද්‍රිකා බණ්ඩාරනායක මහත්මිය වෙත ද ප්‍රධාන අමාත්‍ය ධූරය සඳහා තම තමන්ට ඇති සුදුසුකම් දන්වා යවා ඉල්ලීම් කර ඇති බව ද වාර්තා වී ඇත.