ට්විටර් සමාජජාල පරිශීලකයෙකු විසින් ශ්රී ලංකා ක්රිකට් කණ්ඩායමේ හිටපු ක්රිකට් නායක මෙන්ම සුපිරි පිතිකරුවෙකු සහ ලෝක පූජිත ක්රිකට් ක්රීඩකයෙකු වන මහේල් ජයවර්ධන හට අපහාසාත්මක අයුරින් කමෙන්ටුවක් එම සමාජජාලයේ මහේල විසින් පළ කර තිබූ සටහනකට දමා තිබේ.
එම පුද්ගලයා එහිදී මහේල වෙත කියා තිබුණේ "මහේල කියන්නේ දකුණේ කෙනෙක් වහල් ජාන ඇඟේම තියෙනවා" යනුවෙනි.
ඔහු මෙලෙස පවසා තිබුණේ නාමල් රාජපක්ෂ ක්රීඩා අමාත්යවරයා සහ ජාතික ක්රීඩා කවුන්සිලයේ සභාපතිවරයා වන මහේල ජයවර්ධන සහ එම කවුන්සිලයේ අනිකුත් සාමාජිකයන් සහභාගී වූ රැස්වීමක් අතර ගත් ඡායාරූපයකට පිළිතුරු වශයෙනි.
එම පිළිතුරුට ප්රති පිළිතුරු දීමට මහේල කටයුතු කර තිබුණු අතර එහිදී ඔහු ලබාදුන් පිළිතුරු සම්බන්ධයෙන් බොහෝ පිරිසකගේ පැසසුම් හිමිව තිබේ.
එහිදී මහේල් කියා තිබුණේ "මගේ රට විනාශ කරන වහලෙකු වනවාට වඩා, මගේ රට දියුණු කරන වහලෙකු වීම ගැන මට සතුටුයි" යනුවෙනි.
බොහෝ දෙනා මහේලගේ පිළිතුර සම්බන්ධයෙන් කියා තිබුණේ ඔහු ක්රීඩාව තුළින් ලෝක පූජිත වීමට හේතුව සහ මහත්වරුන්ගේ ක්රීඩාව තුළ මහත්මයෙකු වීමට හේතුව එම පිළිතුර තුළින්ම පෙනෙන බවයි.
මහේල ලබා දුන් පිළිතුර සහිත ට්විටර් සටහන පහතින්,
I am happy to be a slave to build my country and will never be a slave to ruin it.. ?? https://t.co/jzrKUwSnNY
— Mahela Jayawardena (@MahelaJay) December 19, 2020