මෙරට ප්‍රමුඛතම වාණිජ වන වගා සමාගම වන සදාහරිත වැවිලි සමාගම කොළඹ One Galle Faceහි ආරම්භ කරන ලද අගාවුඩ් නිෂ්පාදන ප්‍රදර්ශනාගාරය වන Oud Galleria වෙතින් ලොව අංක එකේ සුවඳ විලවුන් පෙළක් ඉදිරිපත් කරයි. ඒ අනුව ප්‍රංශයේ නිෂ්පාදිත ලොව විශිෂ්ටතම සුවඳ විලවුන් ඇතුළු අගාවුඩ් තෙල්වලින් නිෂ්පාදිත ලොව උසස්ම තත්ත්වයේ අධි සුඛෝපභෝගි සුවඳ විලවුන් රාශියක් Oud Galleria වෙතින් පිරිනමා ඇත.
අගාවුඩ් ශාකවලින් නිස්සාරණය කර ලබා ගන්නා අගාවුඩ් තෙල් ‘liquid gold‘ ලෙස ලොව පුරා ප්‍රචලිතව ඇති අතර, සදාහරිත Oud Galleria නිෂ්පාදනවල පදනම වන්නේද මේ අගාවුඩ් තෙල්ය. මෙරට අගාවුඩ් ලොව විශිෂ්ටතම Oud ප්‍රභවයක් ලෙස පිළිගැනෙන අතර, සදාහරිත සමාගමේ 20 වසරක විශ්වසනීය විශේෂඥතාව හා තාක්ෂණික ඥානය සමඟ නිස්සාරණය කෙරෙන අගාවුඩ් තෙල් සඳහා සුවිශේෂි වටිනාකමක් හිමිව තිබේ.
සදාහරිත සමාගම් සමූහයේ සභාපති සතිස් නවරත්න මහතා මේ Oud Galleria පිළිබඳ මෙසේ අදහස් දැක්වීය. “ගෝලීය අගාවුඩ් කර්මාන්තයේ කුඩාම සන්ධිස්ථානය වන අගාවුඩ් බීජ මඟින් පැළ ගෙන ඇරැඹි සදාහරිත අගාවුඩ් ව්‍යාපාරය දැවැන්ත අගාවුඩ් වන වගාවක් ලෙස සංවර්ධනය කර අපගේම තාක්ෂණය මඟින් අගාවුඩ් නිෂ්පාදනය කරමින් අද වන විට Oud නිමි නිෂ්පාදනකරණය දක්වා පැමිණි සුවිසල් ගමන් මඟ පිළිබඳ අපට ඇත්තේ විශාල සතුටක්. මෙලෙස අතිවිශිෂ්ට Oud අත්දැකීම් පාරිභෝගිකයන්ට ළඟා කර දීමට හැකි වීම පිළිබඳ අප බෙහෙවින්ම සතුටු වනවා.”
