අමාත්‍ය මණ්ඩල ලේකම් ලෙස සුමිත් අබේසිංහ මහතා ජනාධිපති මෛත්‍රීපාල සිරිසේන මහතා අතින් පත්වීම් ලැබීය.
සුමිත් අබේසිංහ මහතා මහා භාණ්ඩාගාරයේ නියෝජ්‍ය ලේකම් තනතුර ද, ලේකම් තනතුර ද හොබවා ඇති අතර භාණ්ඩාගාරයේ සේවය කළ නිලධාරීන් අතරින් ලේකම් තනතුරට පත්වූ පළමු පුද්ගලයා ඔහුය.
භූගෝල විද්‍යාවෙන් ශාස්ත්‍රවේදී උපාධිය ද, ආර්ථික විද්‍යාවෙන් ඕස්ට්‍රේලියාවේ නිව් එන්ග්ලන්ඩ් සරසවියෙන් ශාස්ත්‍රපති උපාධිය ද දිනා සිටින ඔහු මුදල් අමාත්‍යංශයේ ඉහළ තනතුරු කිහිපයක් ම දැරීය.
ජාතික අයවැය කාර්යාලයයේ අධ්‍යක්ෂ ජනරාල් වූ ඔහු ආර්ථික කටයුතු හා පොදු දේපොළ ප්‍රතිපත්තිය පිළිබඳ අධ්‍යක්ෂවරයා ද විය.
