පවුම්වලට හෝ ඩොලර්වලින් මිලට ගත හැකි අය තවත් තම ඇමැති මණ්ඩලයේ නොමැති බව ජනාධිපති මහින්ද රාජපක්ෂ මහතා පවසයි.
ජනාධිපතිවරයා මේ බව පැවසූවේ අද(30) පැවති ඇමැති ලක්ෂමන් යාපා අබේවර්ධන මහතාගේ දේශපාලන ජීවිතයට වසර 25ක් පිරීම නිමිත්තෙන් පැවැති උත්සවයේදී ය.
“විදේශ බලවේගවලට අවශ්‍ය පිට කොන්දක් නැති මිනිසුන් නායකත්වයට පත් කර ගැනීමයි. ඔවුන් ගහන ගහන බෙර පදයට නටන අය පත් කර ගැනීමයි. ජනතාව එවැනි දේ අනුමත කරන්නේ නෑ. කවුරුන් ආවත් මා පරාජය කිරීම ලේසි නෑ. පිරිසක් මා හේග් යුද්ධාධිකරණයට ගෙන යන්න හදනවා. ඔවුනට මා කියන්න කැමතියි හොල්මනට බය නම් සොහොනේ ගෙවල් නොහදන බව.“ යනුවෙන් ජනාධිපතිවරයා සඳහන් කළේය.
