ආණ්ඩුවක් විසින් සිදු කරන සාධනීය කර්තව්යයක් ඇගයීමට ලක් කිරීමට විපක්ෂයකට බැරි නම් ඉන් පෙන්නුම් කරන්නේ ඔවුන්ගේ දේශපාලන කුහකකම බවත් විපක්ෂය මේ අයවැය දෙසත් බලන්නේ ඒ දේශපාලන කුහකකමින් පිරුණු දෑසින් බවත් ජාතික නිදහස් පෙරමුණේ මාධ්ය ප්රකාශක මොහොමඩ් මුසම්මිල් මහතා පවසයි.
ඔහු මේ බව පැවසූවේ ඊයේ (26) කොළඹදී පැවැති මාධ්ය හමුවකදී ය.
“මා දුටුවා, ‘මේක ජාතික අය - වැයක් නොවෙයි, ජාතික අල්ලසක්’ කියා සුනිල් හඳුන්නෙත්ති ජවිපෙ මන්ත්රීතුමා පවසනවා. ඒ විවේචනය අහලා එයාගේ බිරිඳත් එයාට රැව්වා කියලා එතුමා පවසා තිබුණා. එතුමාගේ බිරිඳ ගුරුවරියක්නේ. එතුමියට ‘වැටුප් වැඩිවෙනවා, වැටුප් විෂමතා ඉවත් වෙනවා. සහන මිලට යතුරුපැදියකුත් ලැබෙනවානේ’ ඒ ‘අල්ලස’ එතුමාගේ ගෙදරටත් ලැබී තියෙනවානේ. ඒකයි මේ ‘රැවීමට’ හේතුව.“ යැයි ඔහු සඳහන් කළේය.
“මේ අය - වැය යෝජනාවලිය දෙස දේශපාලන ‘පාට කණ්නාඩි’ ගලවා බලන ඕනෑම කෙනෙකුට එහි සාධනීය බව වැටහෙනවා. ජාතික නිදහස් පෙරමුණ මෙම අය - වැය යෝජනාවලියට තම දැඩි ප්රසාදය පළකර සිටිනවා’’ හෙතෙම වැඩිදුරටත් පැවසී ය.