යුද හමුදා කමාන්ඩෝ රෙජිමේන්තුවේ අධිපති ලෙස කටයුතු කළ මේජර් ජනරාල් ප්‍රසන්න සිල්වා මහතා රාජකාරී අවශ්‍යතාවක් මත එම තනතුරෙන් ඉවත් කර ඇතැයි යුද හමුදා මාධ්‍ය ප්‍රකාශක, බ්‍රිගේඩියර් ජයනාත් ජයවීර මහතා ඒෂියන් මිරර් වෙබ් අඩවියට පැවසුවේය.
කෙසේ වෙතත් මේජර් ජෙනරාල් ප්‍රසන්න සිල්වා මහතා ආරක්ෂක අමාත්‍යාංශයේ යුද හමුදා සම්බන්ධීකරණ නිලධාරීවරයා ලෙස තවදුරටත් කටයුතු කරන බව ඔහු සඳහන් කළේය.
කමාන්ඩෝ රෙජිමේන්තුවේ නව අධිපතිවරයා ලෙස බ්‍රිගේඩියර් රැල්ෆ් නුගේරා මහතා පත් කර තිබේ. ඔහු ලබන 19 වැනි දා නව තනතුරේ වැඩ භාර ගැනීමට නියමිතය.
