මැතිවරණ නීති උල්ලංඝණය කරමින් කටයුතු කළ අමාත්‍යාංශ ලේකම්වරයකු ඇතුළු නිලධාරීන් තිදෙනකුට එරෙහිව රාජ්‍ය පරිපාලන හා ප්‍රජාතන්ත්‍රීය පාලනය පිළිබඳ අමාත්‍යාංශය පරීක්ෂණ ආරම්භ කර ඇත.
මෙලෙස පරීක්ෂණ ආරම්භ කර ඇත්තේ තැපැල් අමාත්‍යාංශ ලේකම්, වෘත්තීය පුහුණු අමාත්‍යාංශ අතිරේක ලේකම් සහ එම අමාත්‍යාංශයේම සහකාර අතිරේක ලේකම්වරියකට එරෙහිව බව වාර්තා වේ.
මහ මැතිවරණය ප්‍රකාශයට පත් කර තිබිය දී ඊට පෙර පත්වීම් ලබාදීම ඇතුළු මැතිවරණ නීති උල්ලංඝණය කිරීම් පිළිබඳ ඔවුන්ට එරෙහිව චෝදනා එල්ල වී ඇත.
චෝදනා එල්ල වූ තිදෙනා සම්බන්ධයෙන් මැතිවරණ කොමසාරිස්‌වරයාගේ උපදෙස්‌ මත රාජ්‍ය පරිපාලන අමාත්‍යාංශයට ස්‌ථාන මාරුවීම් සිදුකර පරීක්ෂණ ආරම්භ කර තිබේ.
