දෙහිවල නගරයට ආසන්නයේ පිහිටි දාර්ශනිකාරාම විහාරස්ථානයේ මහා භද්‍රකාලි දේවාලය ඇතුළු දේවාල 5ක තිබූ මිල කළ නොහැකි දේවාභරණ ඇතුළු රන් ආභරණ තොගයක් සොරකම් කර ඇතැයි වාර්තා වේ.

පොලීසිය සදහන් කළේ මහා භද්‍රකාලි දේවාලයේ වටිනා ති‍්‍රශූලය ද සොරාගෙන ඇති බවයි. 

පසුගිය 10 වැනි දා අවසන් වරට දේවාලයේ පූජා පවත්වා ඇති අතර, එය යළි කපු මහතා විසින් ඊයේ (14) දිනයේදී විවෘත කර ඇති අතර ඉන් අනතුරුව දේවාලයන්හි තිබූ දේවාභරණ අතුරුදන් වී ඇති බවට තොරතුරු අනාවරණ වී තිබේ. 

මෙම දේවාල 5 එකිනෙකට යාබදව පිහිටා ඇති බව වාර්තාවේ. එහි එක් දේවාලයක බිත්තියක් කඩා එම ස්ථානයෙන් සොරුන් ඇතුළු වී ඇති බවට තොරතුරු හෙළි වී ඇති බව පොලීසිය පැවසී ය.