හලාවත - කරවිටාගාර වැවට ජලය සැපයෙන ඇළ මාර්ගයේ තිබී මිය ගිය අයෙකුගේ මළ සිරුරක් හමුවී ඇති බව හලාවත පොලීසිය කියයි.
අද (23 වැනිදා) පෙරවරුවේ මෙම මළ සිරුර හමුවී ඇත. මනක්කුලම - කොක්කාවිල මාර්ගයේ ඇති කරවිටාගාර මහ බෝක්කුව යට මෙම මළ සිරුර තිබී හමුවී ඇත.
මිය ගොස් ඇත්තේ හලාවත - නැගෙනහිර කරවිටාගාර පදිංචිකරුවෙකු බව කියන බ්රහ්මාචාරිගේ ජයලත් හේමකීර්ති (අවු:39) නම්වූ තිදරු පියෙකු බවට ඔහුගේ ඥාතීන් විසින් හදුනා ගෙන ඇත.
මළ සිරුර අසල පා පැදියක් ද තිබී හමුවී ඇති අතර එය මිය ගිය අයගේ බවට සනාථ වී ඇත.
පුත්තලම - ජුඩ් සමන්ත