විටින් විට සිදුවු වැටුප් වැඩිවීම් හා චක්‍රලේඛ හේතුවෙන් රාජ්‍ය සේවකයින්ගේ විවිධ ශ්‍රේණි අතර නිර්මාණය වී ඇති වැටුප් විෂමතා ඉවත් කිරීම සඳහා නව වැටුප් ව්‍යුහයක් සකස් කිරීමට තීරණය වී ඇත.
ඒ අනුව රාජ්‍ය සේවකයින් සඳහා නව වැටුප් ව්‍යුහයක් සකස් කිරීමටයි රාජ්‍ය පරිපාලන පළාත් සභා හා පළාත් පාලන අමාත්‍යංශය මුදල් අමාත්‍යංශය සමග ඒකාබද්ධව තීරණය කර ඇත්තේ.
මෙම ක්‍රමය හරහා වැටුප් වර්ධක සමානව සෑම රාජ්‍ය සේවකයෙකුටම හිමිවන රෙගුලාසි ගෙන ඒමට ද සැලසුම් කර ඇති බවද සඳහන්.
ලබන මස අවසන් වීමට පෙර මෙම කටයුතු නිම කිරීමටද නියමියි. නව වැටුප් ව්‍යවුහය සකස් කිරීමේදි වෘත්තීය සමිතිවල අදහස් ලබා ගැනීමට ද තීරණය වී ඇත.
