ලබන මාර්තු 07 වැනි දින ජනාධිපති මෛත්‍රීපාල සිරිසේන මහතා බ්‍රිතාන්‍යයේ සංචාරයක නිරතවන බව අධිකරණ හා කම්කරු සබඳතා අමාත්‍ය විජයදාස රාජපක්ෂ මහතා පවසයි.
එම සංචාරය අතරතුර මාර්තු මස 11 වැනි දින බ්‍රිතාන්‍යයේ එලිසබෙත් රැජින සමඟ දිවා භෝජනයකට සහභාගි වීමට නියමිත බව ද අමාත්‍යවරයා සඳහන් කළේය.
බ්‍රිතාන්‍යයේ සංචාරයක නිරතව සිටින අමාත්‍යවරයා බී.බී.සී. සංදේශය සමඟ විශේෂ සාකච්ඡාවකට එක්වෙමින් මේ බව ප්‍රකාශ කර තිබේ.
බ්‍රිතාන්‍යයේ එලිසබෙත් මහ රැජිණගේ ආරාධනයකට අනුව ජනාධිපති මෛත්‍රීපාල සිරිසේන මහතා බ්‍රිතාන්‍යය සංචාරයේ නිරත වන බව අමාත්‍යවරයා මෙහිදී සඳහන් කර ඇත.
මේ අතර මෛත්‍රීපාල සිරිසේන ජනාධිපතිවරයා ලබන මස 31 වැනිදා පකිස්ථානයේද සංචාරය කිරීමට නියමිතය.
