හිටපු ඇමති බැසිල් රාජපක්ෂ මහතා එක් නාන ළිඳක් ප්‍රතිසංස්කරණය සඳහා රුපියල් ලක්ෂ පහක් වෙන් කර තිබූ බව නියෝජ්‍ය ඇමති ආචාර්ය හර්ෂ ද සිල්වා මහතා පෙන්වා දෙයි.
ඒ අනුව නියෝජ්‍ය ඇමතිවරයා පෙන්වා දෙන්නේ පොදු නාන ළිඳක් ප්‍රතිසංස්කරණය කිරීමට වැය වන්නේ රුපියල් පනස් දහසකට නොවැඩි මුදලක් බවත්ය.
පසුගිය කාලයේදි බැසිල් රාජපක්ෂ සිය බල ප්‍රදේශය පුරා පිහිටි පොදු නාන ළිං ප්‍රතිසංස්කරණය කරද්දී එක් ළිඳකට මෙලෙස රුපියල් ලක්ෂ පහක් වෙන් කර ඇතැයි ආර්ථික සංවර්ධන නියෝජ්‍ය ඇමති ආචර්ය හර්ෂ ද සිල්වා මහතා කොළඹ පැවැති මාධ්‍ය සාකච්ඡාවක දී සඳහන් කළේය.
