ජනපති නියමයෙන් විදිමත් පරීක්ෂණයක් සිදු කොට අවසර දෙන තෙක් පොළොන්නරු දිස්ත්රික්කයේ සහ මහවැලි ගඟ ආශ්රීත වැලි ගොඩ දැමීමේ ව්යාපාර නවතා දැමීමෙන් මේ වන විට එදිනෙදා ජීවිකාව කර ගත් කම්කරුවන් රැසක් කර කියාගත දෙයක් නොමැතිව අසරණ වී සිටින බව වැලි මංකඩ කම්කරුවෝ සහ ටිපර් රථ රියදුරන් සඳහන් කරයි.
ඔවුන් චෝදනා කරන්නේ මහ පරිමාණ වැලි මුදලාලිලා ඉලක්ක කරගනිමින් රජය ගත් මෙම තීරණය හේතුවෙන් පහර වැදී ඇත්තේ භූ විද්යා හා පතල් කැනීම් ඒකකයේ අධීක්ෂණය යටතේ වැලි සමාගමේ ජීවිකාව සිදු කළ තමන් වැනි පිරිසට බවය.
යන්ත්රි බාවිතා නොකර වැලි කූඩ කර මතින් පමණක් වැලි ගොඩ දමන පිරිසට මේ හේතුවෙන් දැඩි අසාධාරණයක් සිදු වී ඇති බවත් ඔවුන් පෙන්වා දෙයි.
මෙම විරෝධතාවය සඳහා එක්ව සිටින්නේ මහවැලි ගඟ දකුණු ඉවුරේ සහ වම් ඉනුරේ සංගම් දෙක සහ ටිපර් රථ රියදුරන් පමණක් වන බැවින් කිසිදු වැලි මුදලාලි කෙනෙකු තම ඉල්ලීම් සඳහා සහය නොදක්වන බවද පෙන්වා දෙයි.
මේ සම්බන්ධයෙන් වූ විරෝධතාවයක් ඊයේ (23) කදුරුවෙල නගරයේ දී පැවැත්වුණි.
ඊයේ ජනාධිපතිවරයාද පොළොන්නරුවේ සංචාරයක් සිදු කළ අතර උද්ඝෝෂකයන් විරෝධතාවයේ නිරත වෙමින් පොළොන්නරු නගරය කරා යෑමට පියවර ගෙන තිබුණත් පොලිසියේ බාධා කිරීම් මත එම පා ගමන පොළොන්නරුව මහ රෝහල අසළින් අවසන් කිරීමට සිදු විය.
කෙසේවෙතත් මේ සම්බන්ධයෙන් අද දිනයේදී උතුරු මැද පළාත් ආණ්ඩුකාර කාර්යාලයේදී සාකච්ඡාවක් පැවැත් වීමටත් නියමිතය.
සමීර - පොළොන්නරුව
(වීඩියෝව පහළින් නරඹන්න..)