නැගෙනහිර මහ ඇමැති ධුරය අහමඩ් නසීර් මහතාට පවරා දෙසතියක් ගත වීමෙන් පසුව ද සියලුම ඇමැති පදවි ඔහුම පවරාගෙන ඇතැයි නැගෙනහිර පළාත් සභාවේ හිටපු ඇමැතිවරු දෙදෙනෙක් සහ මන්ත්‍රීවරයෙක් චෝදනා කර ඇත.
මහඇමැතිවරයා ඉදිරි පැය 72 දී පැහැදිලි තීරණයක් නොගතහොත් පළාත් සභාව සම්බන්ධ තීරණාත්මක තීරණයක් ගැනීමට සිදුවෙතැයි ද එම තිදෙනා පවසති.
හිටපු ඉඩම් ඇමැති විමලවීර දිසානායක, හිටපු මහාමාර්ග ඇමැති උදුමා ලෙබ්බේ හා පළාත් මන්ත්‍රී ඩබ්ලිව් ඩී සිරිසේන මහත්වරු නව මහ ඇමැතිට විරුද්ධව මෙම අදහස් දැක්වූයේ අම්පාරේ පැවති මාධ්‍ය සාකච්ඡාවක දී ය.
