තංගල්ල අවට ප්‍රදේශයේ මේ දිනවලදී ඩීසල් නොමැති වීම හේතුවෙන් හම්බන්තොට දිස්ත්‍රික් පාර්ලිමේන්තු මන්ත්‍රී දිලිප් වෙදආරච්චි මහතාට සිය ජිප් රථයට අවශ්‍ය ඩීසල් නොමැති බව කියමින් තංගල්ල ධීවර වරායේ බෝට්ටුවකින් ඩීසල් ගෙන එය සිය රථයට පුරවා ගැනීමට අද (23) කටයුතු කර තිබෙනවා.
දිලිප් වෙදආරච්චි මහතා පැවැසූයේ තමාට කොළඹ යෑමට අවශ්‍ය බැවින් සිය රථයට පුරවා ගැනීමට අවශ්‍ය ඩීසල් ලබාගැනීමට නොමැතිකම නිසා මෙලෙස තංගල්ල ධීවර වරායට පැමිණ වරායේ තිබූ බෝට්ටුවකින් තෙල් ලබා ගෙන ඒවා සිය රථයට පුරවාගත් බවයි.
එහිදී පාර්ලිමේන්තු මන්ත්‍රී දිලිප් වෙදාරච්චි මහතා මෙසේ සඳහන් කළා,
"මට අද පාර්ලිමේන්තු යන්න ඕනි. යන්න විදිහක් නැහැ. පාර්ලිමේන්තු යන්න ඕන නිසා මම ධීවර වරායට ඇවිත් යාත්‍රාවකින් තෙල් ඉල්ල ගත්තේ."
