April 14, 2021

එකම කාමරයේ එකම පැදුරේ එකට සිටි බාල වයස්කාර ජෝඩු 2ක් හසු වූ හැටි

වයස අවුරුදු 15ක් වූ උපකාරක පංති යන සිසුවියන් දෙදෙනෙකු සහ වයස අවුරුදු 19 හා 20  තරුණයන් දෙදෙනෙකු සමඟ දිවුලපිටිය ප්‍රදේශයේ අවුරුදු සමරන්නට ගොස් දින ගණනාවක් එක කාමරයක ලැගුම් ගෙන සිටියදී සොයා ගැනීමට හැකි වූ බව දඹුල්ල පොලිසිය කියයි.

දඹුල්ල කිරලගොල්ල සහ ඇඹුල්අඹේ ප්‍රදේශයේ පදිංචිව සිටි මෙම පාසල් දැරියන් දෙදෙනා මිතුරියන් ලෙස කලක් තිස්සේ එකට පාසල් ගිය අය බවත් මෙම දෙදෙනා එකම දිනයේ උප උපකාරක පන්ති ගිය අවස්ථාවේදී අතුරුදන්වූ බව දෙමාපියෝ දඹුල්ල පොලිසියට පැමිණිල්ලක් ඉදිරිපත් කොට තිබිණි.

මෙම පැමිණිල්ල පිළිබඳව වහා  ක්‍රියාත්මක වූ දඹුල්ල මුලස්ථාන පොලිස් පරීක්ෂක එස්.පී .එදිරිසිංහ මහතා ළමා හා කාන්තා කාර්යාංශයේ ස්ථානාධිපතිනි පොලිස් පරීක්ෂිකා ගයානි විජේසුන්දර මහත්මියට සහ තවත් පොලිස් නිලධාරීන් කීප දෙනෙකු ගෙන්වා මේ බව පැහැදිලි කර දී වහාම මෙම දෑ දැරියන් දෙදෙනා ව සිදු වූ දේ සොයා බලන්නැයි උපදෙස් ලබාදී තිබේ.

මෙම දියණියන්  දෙදෙනා තරුණයන් සමඟ පෙම් සබඳතා ඇත්දැයි යන්න සහ නිවසේ  දෙමව්පියන් සමඟ අමනාපයක් සිදුවූයේ දී යන්න සහ අවට ඔවුන් සමග තරහ කරුවන්ට සිටියේද යන්න ආදී පැති කිහිපයකින් පරීක්ෂණ පවත්වන්නට පොලිසියට උපදෙස් ලැබිණි.

මෙම පැමිණිල්ල ඉදිරිපත් කොට ඇති  මව්වරුන් කියා ඇත්තේ තම  දියණියන් කාලයක් තිස්සේ ඉතා සමීප ඇසුරු කරමින් මිතුරියන් සේ අධ්‍යාපනය ‍ ලබන බවත් කිසිදු ආකාරයකින් පෙම් සබඳතාවයක් හටගෙන නොමැති බවය.

එසේ සිදුවන්නේ නම් ඔවුන් දෙමව්පියන්ට ප්‍රකාශ කරන බවද දෙමව්පියෝ ළමා හා කාන්තා කාර්යාංශයට ප්‍රකාශ ලබා දෙමින් පවසා තිබේ.

මෙම නිවසට ගොස් මෙම සිසුවියන්ගේ පාසල් පොත් බෑග් සහ පාඩම් කරන මේස  ඉතා සූක්ෂම ලෙස පරීක්ෂාවට ලක්කළ දඹුල්ල පොලිසියේ  ළමා හා  කාන්තා කාර්යාංශයේ ස්ථානාධිපතිනි නිලූකා විජේසුන්දර මහත්මිය යම් යම් හෝඩුවාවන් රැසක් සිය උකුසු ඇස්ට හසු කරගෙන සටහන් පොතේ තබාගෙන නැවත පොලිස්ථානයට පැමිණ තමන් සොයා ගත් තොරතුරු සහ විවිධ සටහන් පිළිබඳව  මූලස්ථාන පොලිස් පරීක්ෂක එදිරිසිංහ මහතා හට දැනුම් දී තිබේ

 ඒ  අනුව ජංගම දුරකථනකථන අංකයක්  හරහා ලබාගත්  තොරතුරු රැසක් උපයෝගී කරගෙන ඉතා සූක්ෂම ලෙස තරුණයකු පිළිබඳව තොරතුරක් හෙළිවී තිබේ .ජංගම දුරකථන අංකයක් හරහා මෙම තරුණයන් සම්බන්ධ කර ගැනීමට පොලිස් පරීක්ෂාවට එතරම් කාලයක්ක් ගත නොවුණි.

එසේ සිදුවී  ඇත්තේ පොලිස් උගුලකට  හසුවීම නිසාවෙනි . ඒ අනුව එක  තරුණයකු   පොලිස් පරික්ෂිකා නිලුකා මහත්මිය සමග දුරකතනයෙන් කතා බහ කරන්නට වුයේ පොලිසියෙන් බව නොදැනය.

පසුව ඔහුගෙන් ඉතා  සූක්ෂම ලෙස ප්‍රශ්න කිරීම්වලදී  වලදී හෙළිවී ඇති දඹුල්ලේ තරුණ පාසල් සිසුවියන් දෙදෙනෙකු ඔවුන් ළඟ සිටින බවය. ඒ අනුව පොලිස් පරීක්ෂක සුනිල් සූරිය මහතා තවත් පොලිස් නිලධාරිනියන් කණ්ඩායමක් සමග මෙම පිරිස් නැවතී සිටී  බව කියූ දිවුලපිටිය වැලිවිට   ප්‍රදේශයට පොලිස් කණ්ඩායම පිටත්ව තිබේ.

වැලිවිට ප්‍රදේශ්යේ කුඩා කාමරයක්   ගෙන මෙම පාසල් සිසුවියන් දෙදෙනා ඔවුන් දෙදෙනාගේ පෙම් පෙම්වතුන් ගේ දෙදෙනාත් පැදුරක් එලාගෙන එකම පැදුරේ බිම නිදාගෙන සිටියදී පොලීිසියට   හතරදෙනාම අල්ලා ගැනීමට හැකිවී තිබිණි.

සිව් දෙනාම දඹුල්ල පොලිසියට රැගෙනවිත් ප්‍රශ්න කිරීම්වලදී හෙළි වී ඇත්තේ එක් තරුණයෙකු පුත්තලම ප්‍රදේශයේ පදිංචි පදිංචිකරුවෙකු බව අනෙක් තරුණයාව පොළොන්නරුව ප්‍රදේශයේ පදිංචි පදිංචිකරුවෙකු බව ය. 

මේ පාසල් සිසුවිය දෙදෙනාගෙන් එක් අයෙකු සමග දුරකථන අංකයක්  හුවමාරු කරගෙන ආදරයක් බවට පෙරළා  තමන්ගෙ මිතුරාටද අනෙක් සිසුවිය සමඟ සබඳකම් ඇතිකර දී ජංගම දුරකථන හරහා පැවැත් වූ ආදරය අවසානයේ දී මෙම බාලවයස්කාර දැරියන් දෙදෙනා  ඇතුළු  සිව් දෙනා වෙන් වෙන් ව නොසිට එකම කාමරයක් ගෙන එක පැදුරේ නිදා ගත් බව අලුත් අවුරුද්ද සැමරීමට ගිය බව  ප්‍රශ්න කිරීම්වලදී හෙළි වූ බව පොලීසිය කියයි.

මෙසේ සොයා ගත් පාසැල් සිසුවියන් දෙදෙනා දඹුල්ල රෝහලට ඇතුලත් කොට පරික්ෂා කිරීමේදී ලිංගික අතවර සිදුවී ඇති බව අනාවරණය වීමත් සමඟ දඹුල්ල මහේස්ත්‍රාත් අධිකරණයට ඉදිරිපත් කොට සිසුවියන් දෙන්නා දෙමව්පියන් භාරයේ පසුවන බවද වයස අවුරුදු 20ක සහ 19ක වූ තරුණයන් දෙදෙනා රක්ෂිත බන්ධනාගාර ගත කළ බවත් දඹුල්ල පොලීිසිය කියයි.

දඹුල්ල - කාංචන කුමාර

Rate this item
(0 votes)