හම්බන්තොට වරාය චීන සමාගමකට විකිනීමේ ගනුදෙනුව අවසන් වී මාස තුනකට පමණ පසු එම සමාගමට බදු සහන දීමට එවකට සිටි මලික් සමරවික්‍රම අමාත්‍යවරයා ගැසට් නිවේදනයක් නිකුත් කිරීම සඳහා එය පාර්ලිමේන්තුවට ගෙන ආ බව ජනතා විමුක්ති පෙරමුණ ජාතික සංවිධායක බිමල් රත්නායක මහතා පෙන්වා දෙයි.
එම යෝජනාවට එරෙහිව ජනතා විමුක්ති පෙරමුණ පාර්ලිමේන්තුවේ ඡන්දයක් ඉල්ලූ බව ද පෙන්වා දෙන රත්නායක මහතා ඡන්දය විමසන අවස්ථාවේ නාමල් රාජපක්ෂ මහතා පාර්ලිමේන්තුව තුළ සිටිය ද ඊට එරෙහිව ඡන්දය දීමෙන් වැළකී සිටි බව අනාවරණය කරයි.
චීන සමාගමට බදු සහන දීමට ගෙන ආ එම යෝජනාවන්ට එරෙහිව නැගී සිටියේ කුමන රාජපක්ෂද යන්න රත්නායක මහතා ප්‍රශ්න කරයි.
රත්නායක මහතා මෙම අදහස් පළ කළේ ඒෂියන් මිරර් සමඟ සාකච්ඡාවකට එක්වෙමිනි.
