කටුනායක බණ්ඩාරනායක ජාත්‍යන්තර ගුවන් තොටුපළ තුළ පිහිටි පී.සී.ආර්.වෛද්‍ය රසායනාගාරය වෙත නව පී.සී.ආර්.යන්ත්‍රයක් සහ පරීක්ෂණ කට්ටල 39,000 ක් ස්විට්සර්ලන්ත රජය සහ අන්තර්ජාතික සංක්‍රමණිකයන් සදහා වූ සංවිධානය විසින් ඊයේ (26) පිරිනමා තිබේ .

මෙම නව යන්ත්‍රය සවි කිරීමත් සමගම දිනකට මෙම රසායනාගාරය තුළ පී.සී.ආර්.පරීක්ෂණ 1300 ක ප්‍රමාණයක් දක්වා සිදු කිරීමේ ධාරිතාවය ඉහළ යන අතර , එම පරීක්ෂණ වල ප්‍රතිඵල ද පැය 04 ක වැනි කෙටි කාළයක් තුළ නිකුත් කීරීමට ද හැකි වන ද ප්‍රකාශ වේ .

ඉදිරි කාළය තුළ සංක්‍රමණිකයන් ආරක්ෂිතව විශාල ප්‍රමාණයක් ගෙන්වා ගැනීමටත් , නියමිත වේලාවට ගුවන් තොටුපළ සංචාරකයන් සදහා විවෘත කර ගැනීමටත් මෙම රසායනාගාරය වෙත මෙම පරිත්‍යාග කිරීම බෙහෙවින්ම ඉවහල් වේ .

(කටුනායක ටී.කේ.ජී.කපිල )