August 04, 2020

මහජන බැංකුවේ 59 වැනි සංවත්සරය වෙනුවෙන් ඉසුරු උදාන සෙනහසේ තිළිණ

මහජන බැංකුවේ 59 වන සංවත්සරය වෙනුවෙන් ජුලි 01 වැනිදා සිට දෙසැම්බර් 31 වැනිදා දක්වා මෙරට උපදින සෑම බිලිදෙකු වෙනුවෙන්ම ඉසුරු උදාන තෑගි සහතිකයක් පිරිනැමීමට කටයුතු යොදා ඇත. මේ වෙනුවෙන් පැවති ප්‍රධාන උත්සවය ජුලි මස 01 වැනි දින බොරැල්ල කාසල් වීදියේ කාන්තා රෝහලේදී මහජන බැංකුවේ සභාපති සුජීව රාජපක්ෂ සහ ප්‍රධාන විධායක නිලධාරි/ සාමාන්‍යාධිකාරි රංජිත් කොඩිතුවක්කු යන මහත්වරුන්ගේ ප්‍රධානත්වයෙන් පැවැත්විණි.

මෙදින කාසල් රෝහලේ මව්වරුන්ගේ විවේකාගාරය නවීකරණය වෙනුවෙන් මහජන බැංකුවෙන් මුල්‍යධාරයක් පිරිනැමුනු අතර, මව්වරුන් වෙත ලබාදෙන අත්පොත සම්පාදනය කිරීම සඳහාද මූල්‍යාධාරයක් පිරිනැමිණි.

මෙම අවස්ථාවට කාසල් වීදියේ කාන්තා රෝහලේ අධ්‍යක්ෂ වෛද්‍ය ප්‍රදීප් විජේසිංහ, නියෝජ්‍ය අධ්‍යක්ෂක ප්‍රදීප් රත්නසේකර, මහජන බැංකුවේ ජ්‍යෙෂ්ඨ නියෝජ්‍ය සාමාන්‍යාධිකාරි (පුද්ගල කේන්ද්‍රිය බැංකු කටයුතු) කේ.බී රාජපක්ෂ, නියෝජ්‍ය සාමාන්‍යාධිකාරිනි (පුද්ගල කේන්ද්‍රිය බැංකු කටයුතු) රේණුකා ජයසිංහ, සහකාර සාමාන්‍යාධිකාරිනි(ශාඛා කළමනාකරණ) රෝහිනි මදුරාවල, වැඩබලන සහකාර සාමාන්‍යාධිකාරි(පුද්ගල කේන්ද්‍රිය බැංකු කටයුතු) ඒ. ජයසිත්, කොළඹ දකුණ ප්‍රාදේශිය කළමනාකාර එන්. කේ විමලසිරි, සහකාර ප්‍රාදේශිය කළමනාකාර කළමනාකාරවරියන්, බොරැල්ල ශාඛා කළමනාකාර සංජය අබේකොන් යන මහත්ම මහත්මීන් ඇතුඵ බැංකු කාර්ය මණ්ඩලයල රෝහල් කාර්ය මණ්ඩලයේ විශාල පිරිසක් ද සහභාගි වුහ.

මෙම වැඩසටහන මහජන බැංකුවේ 59 වැනි සංවත්සරයට සමගාමීව දරුවන්ගේ අනාගතය වෙනුවෙන් දෙමාපියන් තුළ කිසියම් ඉලක්කගත අරමුණක් ඇති කිරීම තේමා කරගනිමින් මහජන බැංකුව දියත් කරන ලදි. මෙම වැඩසටහනේ විශේෂත්වය වන්නේ දිවයින පුරා මහජන බැංකු කාර්ය මණ්ඩලය බිලිඳුන් උපන් රෝහල් වෙතම ගොස් මෙම තිළිණ එම දරුවන් වෙනුවෙන් ප්‍රදානය කිරීමයි.

ඔබට ලැබුනු ඉසුරු උදාන සහතික පත සමඟ දරුවාගේ උප්පැන්න සහතිකයේ පිටපතක් රැගෙන ළඟම මහජන බැංකුවට ගොස් ඉසුරු උදාන ගිණුමක් ආරම්භ කළ හැක. ගිණුම ආරම්භ කරන මොහොතේදීම දරුවාගේ ගිණුමට රු 1000 ක් වටිනා මුදලක් තැන්පතුව ලෙස මහජන බැංකුව තිළිණ කරන අතර, සිදුකරනු ලබන අමතර මුදල් තැන්පතු සඳහා සුවිශේෂි තිළිණ පිරිනැමේ.

Rate this item
(0 votes)