මෙහි පළමු පියවර ලෙස කර්මාන්ත හා වාණිජ කටයුතු අමාත්‍යාංශයේ සේවක සේවිකාවන් හට පසුගිය දා කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා අතින් මෙම වට්ටම් කාඩ්පත් ලබා දෙනු ලැබීය.
වැඩි වන ජීවන වියදමට සහනයක් ලෙස හඳුන්වා දෙනු ලැබූ මෙම කාඩ්පත මගින් නෝ ලිමිට්, කාගිල්ස් ෆුඩ් සිටි, හමීඩියාස්, සිංගර්, තිලකවර්ධන ටෙක්ස්ටයිල්ස්, ලංකා හොස්පිටල්ස්, ලාෆ් ගෑස්, DSI වැනි දිවයිනේ ප්‍රමුඛතම වෙළඳ ආයතන 40කට අධික සංඛ්‍යාවකින් දිවයින පුරා පිහිටි ඕනෑම ප්‍රදර්ශනාගාරයක් තුළින් 5% සිට ඉහළට වට්ටම් ලබා ගැනීමේ හැකියාව රාජ්‍ය සේවකයන්ට ලැබෙනු ඇත.
මෙවැනි වට්ටම් පතක් පොදුවේ සියළුම රාජ්‍ය සේවකයන් හට හඳුන්වා දෙනු ලැබූ ප්‍රථම අවස්ථාව මෙය වන අතර විශ්‍රාම ගිය පසුවද මෙම කාඩ්පත භාවිත කළ හැකි වීම විශේෂත්වය වේ.
