බ්‍රිතාන්‍යයේ ඊයේ නිමා වූ ජනමත විචාරණයෙන් පසු එරට මුදල් ඒකකයවන පවුමෙහි අගය සීග්‍ර ලෙස පහත බැස තිබෙන බව වාර්තා වේ.
1985 වසරෙන් පසු පවුමෙහි අගය මෙලෙස පහත වැටුණු පළමු අවස්ථාව මෙය බව විදෙස් මාධ්‍ය සඳහන් කරයි.
එමෙන්ම බ්‍රිතාන්‍ය කොටස් වෙළඳපොල ද කඩාවැටීමකට ලක්ව ඇති බව පැවසේ.
අදාළ ජනමත විචාරණය පැවැත්වූයේ බ්‍රිතාන්‍යය යුරෝපා සංගමයෙන් ඉවත් වී ස්වාධීන වෙනවා ද, නැතිනම් තවදුරටත් එම සංගමය සමග සිටිනවා ද යන්න විමසීමට යි.
බ්‍රිතාන්‍යය යුරෝපා සංගමයෙන් ඉවත්විය යුතු බවට වූ මතය එහි දී ජයග්‍රහණය කළ අතර තවදුරටත් යුරෝපාසංගමය සමග සිටිය යුතු බවට වූ මතය දැරූ එරට අග්‍රාමාත්‍ය ඩේවිඩ් කැමරන් මහතා ඉල්ලා අස්වන බව ද ඊයේ නිවේදනය කළේ ය.
