රජයේ සහතික මිල යටතේ මේ මස 20 වැනි දා සිට රජය වී මිල දී ගැනීම ආරම්භ කරන බව ග්‍රාමීය ආර්ථික පිළිබඳ අමාත්‍ය පී. හැරිසන් මහතා සඳහන් කරයි.

මෙවර වී මෙට්‍රික්ටොන් 160,000 ක් මිල දී ගැනීමට සැලසුම් කර ඇති බවත්, ඒ සඳහා අවශ්‍ය මුදල් මහාභාණ්ඩාගාරය හා රාජ්‍ය බැංකුවලින් ලැබෙන බවත් ඒ මහතා පවසා සිටී.

2015 වසරේ දී යල සහ මාස් කන්නවල දී රජය වී මෙට්‍රික්ටොන් 335,000 ක ප්‍රමාණයක් මිල දී ගත් බවත්, ඒ සඳහා රුපියල් මිලියන 15,700 ක් වැය කළ බවත් ඔහු වැඩි දුරටත් සඳහන් කළේ ය.