ජනාධිපතිවරණයෙන් පසු තුනෙන් දෙකේ ආණ්ඩු බලයක් ලබාගෙන ව්‍යවස්ථාව වෙනස් කිරීම පිළිබඳව කතා කළ පොහොට්ටුව දැන් ඒ පිළිබඳව කත නොකරන බව සමගි ජන බලවේගය ගම්පහ දිස්ත්‍රික් අපේක්ෂක විජිත් විජයමුණි සොයිසා මහතා පවසයි.
මේ වනවිට තුනෙන් දෙක තබා පාර්ලිමේන්තුවේ බහුතරය බලය දිනා ගැනීමද පොදුජන පෙරමුණට ගැටලුවක් වී ඇති බව ඔහු වැඩිදුරටත් පවසයි.
ඔවුන්ගේ අලුත්ම අභියෝගය වී තිබෙන්නේ කෙසේ හෝ සාමාන්‍ය බහුතර බලය ලබා ගැනීම බවත්, එසේ නැතහොත් රනිල් වික්‍රමසිංහ මහතාගේ එක්සත් ජාතික පක්ෂය සමග එකතු වී ජාතික ආණ්ඩුවක් ගොඩනැගීම පිළිබඳව බලාපොරොත්තුවෙන් සිටින බව විජයමුණි සොයිසා මහතා පවසයි.
මේ නිසා දැන් මහ මැතිවරණයේ ගේම සපෝරු වී ඇති බවත්, අගෝස්තු 05 වැනිදා වනවිට පොහොට්ටුවේ ජාතික ආණ්ඩු සිහිනයද බොඳවන බව ඔහු පෙන්වා දෙයි.
