හිටපු ජනපති මෛත්‍රීපාල සිරිසිපාල සිරිසේන මහතා පවතින කොරෝනා වසංගත තත්ත්වය සම්බන්ධයෙන් පක්ෂනායක රැස්වීම්වලදී නිහඬ පිළිවෙතක් අනුගමනය කිරීම ගැටලු සහගත හා ප්‍රශ්නකාරී තත්ත්වයක් බව එම රැස්වීම් වලට සහභාගි වූ ඇතැම් පිරිසකගේ මතය වී තිබේ.
කොරෝනා වසංගතයේ පිළිබඳ සාකච්ඡා කිරීමට අග්‍රාමාත්‍යවරයාගේ ප්‍රධානත්වයෙන් හා ආරාධනයෙන් පැවති පක්ෂ නායක රැස්වීම් දෙකටම සිරිසේන මහතා සහභාගී වූ අතර එහිදී ඔහු අග්‍රාමාත්‍යවරයා ආසන්නයේම අසුන්ගෙන ඇති මුත් කිසිදු අදහසක් ඉදිරිපත් කොට නොමැත.
ඔහු ජනාධිපතිවරයා වීමට පෙර හිටපු සෞඛ්‍ය අමාත්‍යවරයා වූ අතර ඒ නිසාම පවතින අර්බුදය සම්බන්ධයෙන් යම් දායකත්වයක් දැක් විය හැකි බවද එහෙත් එවැන්නක් ඔහු තුළින් පිළිබිඹු නොවීම කණගාටුවට කරුණක් බව පක්ෂ නායකයකු ඒෂියන් මිරර් වෙත අදහස් දක්වමින් සඳහන් කළේ ය.
