විනිමය හුවමාරු ක්රමය යටතේ ශ්රී ලංකාව වෙත ලබා දී ඇති මුදල් ප්රමාණය පියවීම සඳහා තවත් මාස 03ක සහන කාලයක් ලබා දෙන බව බංග්ලාදේශය පවසනවා.
එලෙස සහන කාලයක් ලබා දීම සඳහා එරට මහබැංකුව එකඟ වී ඇති බව යි බංග්ලාදේශ මාධ්ය වාර්තා කළේ.
එම මාධ්ය වාර්තාවල වැඩිදුරටත් දැක්වුණේ ශ්රී ලංකා රජය විසින් කළ ඉල්ලීමකට අනුව එලෙස මුදල් පියවීමට අමතර කාලයක් ලබා දුන් බව යි.
ගත්තු මුදල
ශ්රී ලංකා රජය බංග්ලාදේශයෙන් මෙලෙස ලබාගෙන ඇති මුදල අමෙරිකානු ඩොලර් මිලියන 200ක්.
බංග්ලාදේශ මහබැංකුව විසින් මෙම මුදල ලබා දුන්නේ අදියර 03ක් යටතේ යි.
පසුගිය අගෝස්තු 10 වැනි දා අමෙරිකානු ඩොලර් මිලියන 50ක් ද, අගෝස්තු 30 වැනි දා අමෙරිකානු ඩොලර් මිලියන 100ක් ද ලබා දුන් බංග්ලාදේශය සැප්තැම්බර් මස 20 වැනි දා තවත් අමෙරිකානු ඩොලර් මිලියන 50ක මුදලක් ශ්රී ලංකාව වෙත ලබා දුන්නා.
පරක්කු වුණොත් වෙන දේ
මෙම කටයුත්තට අදාළ ගිවිසුමට අනුව මෙම විනිමය හුවමාරුව සිදු කර ඇත්තේ 2%ක පොලියක් යටතේ යි.
කෙසේ වෙතත් මාස 06ක් ගතවුණු පසුවත් මෙම ණය මුදල පියවීමට කටයුතු නොකළහොත් ගෙවීමට සිදුවන මුදල 2.5% දක්වා ඉහළ යාමට නියමිත යි.
ශ්රී ලංකාව අවම වශයෙන් මාස 09ක පමණ කාලයක් මෙම මුදල භාවිත කරනු ඇතැයි විශ්වාස කරන බව බංග්ලාදේශ මහබැංකුවේ උසස් නිලධාරියෙකු එරට මාධ්ය වෙත පවසා තිබෙනවා.
බංග්ලාදේශයේ තත්ත්වය
මේ අතර ශ්රී ලංකාවෙහි විදෙස් සංචිත හිඟ වීම හමුවේ රටෙහි ආර්ථික තත්ත්වය දැඩි අර්බුධකාරී වාතාවරණයකට තල්ලු වෙමින් පවතින පසුබිමක බංග්ලාදේශයේ විදෙස් සංචිත ප්රමාණය වාර්තාගත ලෙස ඉහළ ගොස් තිබෙනවා.
පසුගිය අඟහරුවාදාවන විට බංග්ලාදේශ විදෙස් සංචිත ප්රමාණය අමෙරිකානු ඩොලර් බිලියන 48 දක්වා වර්ධනය වී ඇති බව සඳහන්.
මීට වසර එකහමාරකට පමණ පෙර බංග්ලාදේශ විදෙස් සංචිත ප්රමාණය දැක්වුණේ අමෙරිකානු ඩොලර් බිලියන 33ක් ලෙස යි.