එළැඹෙන මාර්තු මාසයේදි එක්සත් ජාතීන්ගේ මානව හිමිකම් කවුන්සලය ශ්‍රී ලංකාව සම්බන්ධයෙන් ගන්නා තීරණය අලුත් තීරණයක් විය යුතු බව දෙමළ ජාතික සන්ධාන මාධ්‍ය ප්‍රකාශක එම්. ඒ සුමන්තිරන් මහතා සඳහන් කරයි.
එළැඹෙන මාර්තු මාසයේදි පැවැත්වෙන එක්සත් ජාතීන්ගේ මානව හිමිකම් කවුන්සල සැසිවාරයේදි ශ්‍රී ලංකාව සම්බන්ධයෙන් නව යෝජනාවක් ගෙන ඒමට නියමිත බවට පළවන මාධ්‍ය වාර්තා පිළිබදව සිය ස්ථාවරය දැනුම්දීම වෙනුවෙන් යාපනයේදි පැවැති මාධ්‍ය හමුවේදී හෙතෙම මේ බව කියා සිටියේය.
එළැඹෙන මාර්තු මාසයේදි පැවැත්වෙන එක්සත් ජාතීන්ගේ මානව හිමිකම් කවුන්සල සැසිවාරයේදි ශ්‍රී ලංකාව සම්බන්ධයෙන් නව යෝජනාවක් ගෙන ඒමට නියමිත බවට පළවන මාධ්‍ය වාර්තා පිළිබදව සිය ස්ථාවරය දැනුම්දීම වෙනුවෙන් යාපනයේදි පැවැති මාධ්‍ය හමුවේදී හෙතෙම මේ බව කියා සිටියේය.
මෙහිදි වැඩිදුරටත් අදහස් දැක්වු සුමන්තිරන් මහතා මෙසේද කීය.
"ලබන මාර්තු මාසයේ පැවැත්වෙන ජීනීවා මානව හිමිකම් කවුන්සල සැසිවාරයෙන් ශ්‍රී ලංකාව සම්බන්ධයෙන් සම්මත වු 40/1 යන යෝජනාව ක්‍රියාත්මකවීමේ කාලය අවසන් වෙනවා. නමුත් මේ වසර ආරම්භවීමටත් පෙර ශ්‍රී ලංකා ආණ්ඩුව මෙම යෝජනාව ක්‍රියාත්මක කිරීම සඳහා තම සහයෝගය ලබා නොදෙන බව ප්‍රකාශ කළා. එම යෝජනාව සඳහා වන සමඅනුග්‍රහකත්වයෙන්ද ඉවත්වීමට කටයුතු කරනවා."
"ඒ අනුව එළැඹෙන මාර්තු මාසයේදි පැවැත්වෙන ජීනීවා මානව හිමිකම් කවුන්සලයේදි ශ්‍රී ලංකාව සම්බන්ධයෙන් මෙරට දෙමළ දේශපාලන පක්ෂ හා වෙනත් පාර්ශවයන් සාමුහික ඉල්ලීමක් ඉදිරිපත් කළ යුතුය යන්න අපගේ ස්ථාවරයයි. ඒ පිළිබදව දෙමළ දේශපාලන පක්ෂ එක්ව සාකච්ඡා කරනු ලැබුවා. එම ඉල්ලීම කවරක් විය යුතුද එය ඉදිරිපත් කිරීම වෙනුවෙන් ගත යුතු ඉදිරි ක්‍රියාමාර්ග තීරණය කිරීමට කමිටුවක්ද පත් කරනු ලැබුවා. ඒ අනුව එම කමිටුව නුදුරු දිනෙක රැස්ව මේ පිළිබද අවසන් තීරණ ගැනීමට නියමිතයි."
එම තීරණය එක්සත් ජාතීන්ගේ මානව හිමිකම් කවුන්සලයේ අධීක්ෂණය යටතේ පැවැතිය යුතු බවද ඒ මහතා අවධාරණය කරයි.
